RJT Electronic Interlocking System: રાજકોટ રેલ્વે ડિવિઝને 50 સ્ટેશનોને ઈલેક્ટ્રોનિક ઈન્ટરલોકીંગ સિસ્ટમથી સજ્જ કર્યા

RJT Electronic Interlocking System: રાજકોટના ડિવિઝનલ રેલ્વે મેનેજર અશ્વની કુમાર ના જણાવ્યા મુજબ, બાકીના 6 સ્ટેશનો પણ નજીકના ભવિષ્યમાં એડવાન્સ્ડ ઈલેક્ટ્રોનિક ઈન્ટરલોકીંગ (EI) સિસ્ટમથી સજ્જ થઈ જશે.

રાજકોટ, 22 ઓગસ્ટ: RJT Electronic Interlocking System: પશ્ચિમ રેલ્વેનું રાજકોટ ડિવિઝન તેના આદરણીય મુસાફરોને ખાસ કરીને સલામતી અને સેફ્ટી ના પગલાંને લગતી વિવિધ સુવિધાઓ પ્રદાન કરવામાં હંમેશા અગ્રેસર રહ્યું છે. આ ક્રમમાં, રાજકોટ ડિવિઝને 50 સ્ટેશનો પર ઈલેક્ટ્રોનિક ઈન્ટરલોકિંગ સિસ્ટમ શરૂ કરી છે જે ટ્રેનની અવરજવર પર ચોક્કસ નિયંત્રણ સુનિશ્ચિત કરે છે અને માનવીય ભૂલની શક્યતાને દૂર કરે છે.

રાજકોટ ડિવિઝન તબક્કાવાર રીતે તમામ ઈલેક્ટ્રીકલ સિગ્નલિંગ ઈન્સ્ટોલેશનને નવી કોમ્પ્યુટર આધારિત ઈલેક્ટ્રોનિક ઈન્ટરલોકીંગ સિસ્ટમથી બદલી રહ્યું છે. અત્યાર સુધીમાં, 56 ઇન્ટરલોક સ્ટેશનોમાંથી, 50 સ્ટેશનોને યુનિવર્સલ ફેલ સેફ બ્લોક ઇન્સ્ટ્રુમેન્ટ સાથે કમ્પ્યુટર આધારિત ઇલેક્ટ્રોનિક ઇન્ટરલોકિંગ સિસ્ટમ પ્રદાન કરવામાં આવી છે.

રાજકોટના ડિવિઝનલ રેલ્વે મેનેજર અશ્વની કુમાર ના જણાવ્યા મુજબ, બાકીના 6 સ્ટેશનો પણ નજીકના ભવિષ્યમાં એડવાન્સ્ડ ઈલેક્ટ્રોનિક ઈન્ટરલોકીંગ (EI) સિસ્ટમથી સજ્જ થઈ જશે. EI સિગ્નલો, પોઈન્ટ્સ અને લેવલ-ક્રોસિંગ ગેટ્સને નિયંત્રિત કરવા માટે કમ્પ્યુટર-આધારિત સિસ્ટમ્સ અને ઈલેક્ટ્રોનિક સાધનોનો ઉપયોગ કરે છે.

પરંપરાગત ઇલેક્ટ્રિકલ રિલે ઇન્ટરલોકિંગ સિસ્ટમ્સથી વિપરીત જ્યાં અસંખ્ય વાયર અને રિલેનો ઉપયોગ થાય છે, ત્યાં EI ઇન્ટરલોકિંગ લોજિકનું સંચાલન કરવા માટે સોફ્ટવેર અને ઇલેક્ટ્રોનિક ઘટકોનો ઉપયોગ કરે છે. તે યાર્ડમાં સિગ્નલિંગ ગિયરમાંથી મળેલા ઇનપુટ્સને વાંચે છે અને ઓપરેશનલ કન્સોલ (VDU) માંથી મળેલા આદેશોને ફેલ-સેફ રીતે પ્રોસેસ કરે છે.

આ પણ વાંચો:- Heavy Rain Forecast: રાજયના અનેક વિસ્તારોમાં આજે પડશે ભારે વરસાદ, 6 થી 7 ઇંચ વરસાદ પડે તેવી આગાહી

આ ટેક્નોલોજીના કારણે ઘણા ફાયદા થયા છે, જેની સુરક્ષા પર જબરદસ્ત અસર પડી છે અને ટ્રેનોની સ્પીડ વધારવામાં પણ મદદ મળી છે. આ સિસ્ટમ વિરોધાભાસી માર્ગો, ખોટા સિગ્નલ અથવા માનવ ભૂલને કારણે થતા અકસ્માતોનું જોખમ ઘટાડે છે.

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો