Inspection of pantry cars: રાજકોટ મંડળમાં સ્વચ્છતા પખવાડિયું: પેન્ટ્રી કારોની તપાસ
Inspection of pantry cars: રાજકોટ રેલવે ડિવિઝનમાં ‘સ્વચ્છતા પખવાડિયું’: ટ્રેનોની પેન્ટ્રી કારનું સઘન નિરીક્ષણ, ખાદ્ય સુરક્ષા અને સ્વચ્છતા પર ભાર
રાજકોટ, 10 ઓક્ટોબર: Inspection of pantry cars: “સ્વચ્છતા પખવાડિયું – ૨૦૨૫” અંતર્ગત, રાજકોટ મંડળમાં ૧૦ ઓક્ટોબર, ૨૦૨૫ના રોજ, રેલવે અધિકારીઓ દ્વારા વિવિધ ટ્રેનોની પેન્ટ્રી કારનું સઘન નિરીક્ષણ અને સ્વચ્છતા જાગૃતિ અભિયાનનું આયોજન કરવામાં આવ્યું.
આ નિરીક્ષણ અભિયાનનો હેતુ ટ્રેનોમાં પીરસવામાં આવતા ભોજનની ગુણવત્તા, પેન્ટ્રી કારની સ્વચ્છતા, તેમજ કર્મચારીઓની વ્યક્તિગત સ્વચ્છતા (હાઇજીન)ની સ્થિતિનું મૂલ્યાંકન કરીને મુસાફર સેવાઓની ગુણવત્તામાં વધુ સુધારો લાવવાનો હતો.
નિરીક્ષણ દરમિયાન, પેન્ટ્રી કારના સ્ટાફને સ્વચ્છતા, ખાદ્ય સુરક્ષા તથા વ્યક્તિગત સ્વચ્છતાના મહત્ત્વ વિશે જાગૃત કરવામાં આવ્યા.
ટ્રેન સંખ્યા ૧૬૩૩૮ એર્નાકુલમ–ઓખા એક્સપ્રેસની પેન્ટ્રી કારનું નિરીક્ષણ મેડિકલ અને વાણિજ્ય વિભાગો દ્વારા, તથા ટ્રેન સંખ્યા ૧૫૬૩૫ ઓખા–ગુવાહાટી એક્સપ્રેસની પેન્ટ્રી કારનું નિરીક્ષણ મેડિકલ અને યાંત્રિક વિભાગો દ્વારા કરવામાં આવ્યું.
નિરીક્ષણ દરમિયાન પેન્ટ્રી કારમાં ઉપયોગમાં લેવાતા વાસણો, ખાદ્ય સામગ્રી, સંગ્રહ ક્ષેત્રોની સ્વચ્છતા, કર્મચારીઓની તબીબી યોગ્યતા (મેડિકલ ફિટનેસ) અને વ્યક્તિગત સ્વચ્છતા (હાઇજીન)નું વિસ્તૃત પરીક્ષણ કરવામાં આવ્યું.
સાથે જ, મુસાફરો પાસેથી પેન્ટ્રી કારમાં જાળવવામાં આવી રહેલી સ્વચ્છતા અને હાઇજીન સંબંધિત પ્રતિક્રિયા (ફીડબેક) પણ મેળવવામાં આવી, જેથી ભવિષ્યમાં મુસાફરોની સંતોષની સપાટીને વધુ સારી બનાવી શકાય. નિરીક્ષણ દરમિયાન ખાદ્ય સામગ્રીના નમૂના એકત્ર કરીને પ્રયોગશાળા પરીક્ષણ માટે મોકલવામાં આવ્યા.
આ પણ વાંચો:- World Mental Health Day: રાજકોટ ડિવિઝન રેલવે હૉસ્પિટલ માં “વિશ્વ માનસિક સ્વાસ્થ્ય દિવસ” ની ઉજવણી
રેલવે અધિકારીઓએ પેન્ટ્રી કારના સ્ટાફને નિર્દેશ આપ્યો કે તેઓ સ્વચ્છતા અને ખાદ્ય સુરક્ષાના તમામ નિર્ધારિત ધોરણોનું સંપૂર્ણ પાલન સુનિશ્ચિત કરે અને મુસાફરોને સ્વચ્છ, સુરક્ષિત અને ગુણવત્તાયુક્ત ભોજન ઉપલબ્ધ કરાવે.
આ પ્રકારના નિરીક્ષણો નિયમિતપણે ચાલુ રહેશે, જેથી ટ્રેનોમાં સ્વચ્છતા અને ખાદ્ય સુરક્ષાને સર્વોચ્ચ પ્રાથમિકતા આપી શકાય.
રાજકોટ રેલવે ડિવિઝન નો આ સતત પ્રયાસ મુસાફરોને સુરક્ષિત, સ્વચ્છ અને ગુણવત્તાયુક્ત સેવાઓ પ્રદાન કરવા સાથે-સાથે ભારતીય રેલવેની “સ્વચ્છ રેલ – સ્વચ્છ ભારત”ની ભાવનાને સશક્ત બનાવવાની દિશામાં એક સરાહનીય પહેલ છે.
