RJT Celebrating Republic Day: રાજકોટ રેલ્વે ડિવિઝનમાં 76માં ગણતંત્ર દિવસની ઉત્સાહભેર ઉજવણી

રાજકોટ, 26 જાન્યુઆરી: RJT Celebrating Republic Day: પશ્ચિમ રેલવેના રાજકોટ ડિવિઝનમાં 76માં ગણતંત્ર દિવસની ઉત્સાહભેર ઉજવણી કરવામાં આવી હતી. ડીવીઝનલ રેલ્વે મેનેજર અશ્વની કુમારે રાજકોટના રેલ્વે ક્રિકેટ ગ્રાઉન્ડ ખાતે રાષ્ટ્રધ્વજ ફરકાવી ધ્વજને સલામી આપી હતી. રેલ્વે પ્રોટેક્શન ફોર્સ (RPF) દ્વારા શાનદાર પરેડનું આયોજન કરવામાં આવ્યું હતું અને ડિવિઝનલ રેલ્વે મેનેજરને ગાર્ડ ઓફ ઓનર આપવામાં આવ્યું હતું.

આ પછી અશ્વની કુમારે તમામ રેલ્વે કર્મચારીઓ અને તેમના પરિવારજનોને ગણતંત્ર દિનની શુભેચ્છા પાઠવી હતી અને વેસ્ટર્ન રેલ્વેના જનરલ મેનેજર અશોક કુમાર મિશ્ર નો સંદેશ વાંચી સંભળાવ્યો હતો અને વર્ષ દરમિયાન રાજકોટ ડીવીઝનની અત્યાર સુધીની સિદ્ધિઓની પણ વિસ્તૃત માહિતી આપી હતી.

આ પ્રસંગે આયોજિત સાંસ્કૃતિક કાર્યક્રમમાં ગાયેલા દેશભક્તિના ગીતો અને નૃત્યોએ સૌના હૃદયમાં રાષ્ટ્રીય એકતાની લાગણી ભરી દીધી હતી. ‘RPF ડોગ સ્કવોડ’ દ્વારા કરવામાં આવેલ પ્રેઝન્ટેશન પણ સૌને મંત્રમુગ્ધ કરી દીધા હતા.

આ અવસરે પશ્ચિમ રેલવે મહિલા કલ્યાણ સંસ્થા રાજકોટ ડિવિઝન ના પ્રમુખ રંજના કુમાર અને તેમની ટીમ, રાજકોટ ડિવિઝનના એડિશનલ ડિવિઝનલ રેલ્વે મેનેજર (ADRM) કૌશલ કુમાર ચૌબે, ડિવિઝનલ સિક્યુરિટી કમિશનર કમલેશ્વર સિંહ અને રેલ્વેના વિવિધ વિભાગોના વરિષ્ઠ રેલ્વે અધિકારીઓ અને કર્મચારીઓ તેમના પરિવારો સાથે ગણતંત્ર દિવસના કાર્યક્રમમાં મોટી સંખ્યામાં ઉપસ્થિત રહ્યા હતા.

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો