Firing in america: હુમલાખોરોએ ઘરમાં ઘુસીને છ સભ્યોની ગોળી મારીને હત્યા કરી દીધી, વાંચો સંપૂર્ણ મામલો…

Firing in america: હુમલાખોરોએ 6 મહિનાના બાળક સહિત તેના પરિવારના તમામ છ સભ્યોની ગોળી મારીને હત્યા કરી દીધી

નવી દિલ્હી, 17 જાન્યુઆરી: Firing in america: કેટલાક હુમલાખોરોએ અમેરિકાના કેલિફોર્નિયામાં એક પરિવાર પર “લક્ષિત” હુમલો કર્યો. હુમલાખોરોએ 6 મહિનાના બાળક સહિત તેના પરિવારના તમામ છ સભ્યોની ગોળી મારીને હત્યા કરી દીધી. આ ઘટના સોમવારે વહેલી સવારે બની હતી. આ કરુણ હત્યાની ઘટનાએ અમેરિકામાં સનસનાટી મચાવી દીધી છે. ઘરમાં ઘુસીને મૃતકોને નિશાન બનાવવાના કારણે અમેરિકન સુરક્ષા વ્યવસ્થા પર પણ ગંભીર સવાલો ઉભા થયા છે.

શેરિફ ઓફિસના અધિકારીઓએ જણાવ્યું કે મૃતકોમાં 17 વર્ષની માતા અને તેના 6 મહિનાના બાળકનો સમાવેશ થાય છે. તેમણે કહ્યું કે અધિકારીઓ ઓછામાં ઓછા બે શંકાસ્પદોની શોધમાં છે. તુલારે કાઉન્ટી શેરિફ ઓફિસે જણાવ્યું હતું કે સોમવારે વહેલી સવારે 3:30 વાગ્યે પૂર્વ વિસાલિયામાં એક ઘરમાં ગોળીબાર થયાની સૂચના મળી.

શેરિફ માઇક બૌડ્રેક્સે પત્રકારોને જણાવ્યું હતું કે આ વિસ્તારમાં એક શૂટર હોવાની માહિતી મળી હતી. તુલારે કાઉન્ટી શેરિફ ઓફિસે જણાવ્યું હતું કે વિસાલિયાની પૂર્વમાં અસંગઠિત ગોશેન સ્થિત એક નિવાસસ્થાન પર સવારે 3:30 વાગ્યાની આસપાસ ઘણી ગોળી ચાલી હતી. અધિકારીઓએ 911 કૉલની સાત મિનિટની અંદર જવાબ આપ્યો.

શેરિફ માઇક બૌડ્રેક્સે પત્રકારોને જણાવ્યું હતું કે, “અહેવાલ ખરેખર એવો હતો કે એક સક્રિય શૂટર આ વિસ્તારમાં હતો, કારણ કે અનેક ગોળી ચલાવવામાં આવી રહી હતી.” આ દરમિયાન ગોળીબારમાં છ લોકોના મોત થયા હતા. બે પીડિતો રસ્તા પર મૃત મળી આવ્યા હતા અને ત્રીજા માણસને ઘરના દરવાજામાં જીવલેણ ગોળી મારી હતી.

ઘરની અંદર વધુ ત્રણ પીડિતો મળી આવ્યા હતા, જેમાં એક બચી ગયો હતો પરંતુ બાદમાં હોસ્પિટલમાં મૃત્યુ પામ્યો હતો. શેરિફે કહ્યું કે તપાસકર્તાઓ બે શકમંદોને શોધી રહ્યા છે. તેઓ માને છે કે હત્યામાં કોઈ ગેંગનો હાથ છે. બૌડ્રેક્સે જણાવ્યું હતું કે શેરિફની ઓફિસે ગયા અઠવાડિયે નિવાસસ્થાનની નાર્કોટિક્સ સંબંધિત શોધ હાથ ધરી હતી. તેમણે કહ્યું કે આ પરિવારને નિશાન બનાવીને હુમલો કરવામાં આવ્યો છે.

હુમલાખોરોએ બાળક અને તેની માતાને માથામાં ગોળી મારી

શેરિફે કહ્યું કે હુમલાખોરોએ પરિવારના તમામ 6 સભ્યોની હત્યા કરી નાખી. આ દરમિયાન 6 મહિનાના બાળક અને તેની યુવાન માતાને માથામાં ગોળી મારી દીધી હતી. સેમ્યુઅલ પીનાએ સોમવારે જણાવ્યું હતું કે માર્યા ગયેલા લોકોમાં તેની કિશોરવયની પૌત્રી એલિસા પેરાઝ અને તેના બાળક નિકોલસ નોલાન પેરાઝનો સમાવેશ થાય છે. તેમણે કહ્યું હતું કે, એક નિર્દોષના માથામાં આ રીતે ગોળી મારવાનું આટલું ઘૃણાસ્પદ કૃત્ય કોઈ રાક્ષસ જ કરી શકે છે.

પીનાએ કહ્યું કે પરાઝ અને તેનો બાળક તેમના પિતા સાથે ગોશેનમાં રહેતા હતા. તેના પિતાના કાકા, તેના પિતાના પિતરાઈ ભાઈ અને તેના દાદી અને પરદાદીની પણ હત્યા કરી દેવામાં આવી. તેમણે કહ્યું કે આ ઘટનાથી પરિવાર આઘાતમાં છે. લગભગ 3 હજાર લોકોનો સમૂહ ગોશેનમાં રહે છે. હત્યાના કારણોની તપાસ કરવામાં આવી રહી છે. ફોરેન્સિક સેમ્પલ તપાસ માટે મોકલવામાં આવ્યા છે.

આ પણ વાંચો: Pakistan PM statement: આખરે પાકિસ્તાનને આવી અક્કલ! શાહબાઝ શરીફે કહી આ મોટી વાત…

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો