Jacqueline out of nagarjuna film The Ghost: જેકલીન ફર્નાન્ડીઝ નાગાર્જુન સાથેની આ ફિલ્મથી થઇ બહાર, જાણો શું છે કારણ?

Jacqueline out of nagarjuna film The Ghost: નિર્માતાઓએ જણાવ્યું કે તેઓએ ફિલ્મનું શૂટિંગ વિદેશમાં કરવાની યોજના બનાવી પરંતુ કોરોનાને કારણે તેમાં અડચણો આવી રહી છે.

બોલિવુડ ડેસ્ક, 15 જાન્યુઆરીઃ Jacqueline out of nagarjuna film The Ghost: બોલિવૂડ એક્ટ્રેસ જેકલીન ફર્નાન્ડીઝની (Jacqueline Fernandez) મુશ્કેલીઓ સતત વધી રહી છે. 200 કરોડની છેતરપિંડી કરવાના કેસમાં કોનમેન સુકેશ સાથેના તેના સંબંધોને લઈને ઘણા વિવાદોમાં ફસાઈ ગઇ છે. એટલું જ નહીં, થોડા સમય પહેલા અભિનેત્રીની અંગત તસવીરો વાયરલ થઈ હતી. જે બાદ અભિનેત્રીએ મીડિયાને અપીલ કરી હતી કે તે તેની અંગત તસવીરો વાયરલ ન કરે.

અભિનેત્રીએ આ પોસ્ટ તેના સોશિયલ મીડિયા પર શેર કરી છે. હાલમાં જ એવા સમાચાર આવી રહ્યા હતા કે જેકલીન નાગાર્જુન અક્કીનેનીની ફિલ્મ ‘ધ ઘોસ્ટ’માંથી બહાર થઈ ગઈ છે. જોકે આ પાછળનું કારણ કોઈને ખબર ન હતી. દરેક વ્યક્તિ વિવિધ અટકળો કરી રહી છે કે શા માટે અભિનેત્રી ફિલ્મનો ભાગ નથી કારણ કે તેની પાછળના સત્ય વિશે કોઈ જાણતું નથી.

સૂત્રો પાસેથી મળેલી માહિતી મુજબ જેકલીન ગયા વર્ષે આ પ્રોજેક્ટ વિશે વાત કરી રહી હતી. પરંતુ તેણે તેનો ભાગ ન બનવાનું નક્કી કર્યું કારણ કે નિર્માતાઓને એક ફિલ્મ માટે તેના દ્વારા લેવામાં આવતી ફી પરવડી શકે તેમ નથી. નિર્માતા અને જેકલીન બંનેએ શાંતિથી તેમના આગામી પ્રોજેક્ટ પર આગળ વધવાનું નક્કી કર્યું.

આ પણ વાંચોઃ Union Budget 2022: બજેટ 2022 નું શિડ્યુલ તારીખ, સમય અને પ્રક્રિયા શું છે? વાંચો સંપૂર્ણ માહિતી

હવે નાગાર્જુનની આ ફિલ્મમાં કઈ હિરોઈન હશે તે અંગે કોઈ માહિતી મળી નથી. નિર્માતાઓએ જણાવ્યું કે તેઓએ ફિલ્મનું શૂટિંગ વિદેશમાં કરવાની યોજના બનાવી છે. પરંતુ કોરોનાને કારણે તેમાં અડચણો આવી રહી છે. ‘ધ ઘોસ્ટ’ એક એક્શન થ્રિલર ફિલ્મ છે. આ ફિલ્મનું સંગીત સૌરભે આપ્યું છે.

નાગાર્જુનની ફિલ્મ ‘બંગારાજુ’ આજે સિનેમાઘરોમાં રિલીઝ થઈ ગઈ છે. આ ફિલ્મમાં તેનો પુત્ર નાગા ચૈતન્ય લીડ રોલમાં છે. ફિલ્મમાં નાગાર્જુન ઉપરાંત રામ્યા કૃષ્ણા, કૃતિ શેટ્ટી, નાગા ચૈતન્ય મુખ્ય ભૂમિકામાં છે. ‘મનમ’ પછી પિતા-પુત્રની જોડી ફરી એકવાર મોટા પડદા પર સાથે જોવા મળશે.

આ ફિલ્મની ચાહકો ઘણા સમયથી રાહ જોઈ રહ્યા હતા. જેકલીન વિશે વાત કરીએ તો, અભિનેત્રી અક્ષય કુમાર સાથે ‘રામ સેતુ’માં જોવા મળવાની છે, તેની સાથે નુસરત ભરૂચા પણ લીડમાં હશે. આ સિવાય તે જ્હોન અબ્રાહમની ફિલ્મ ‘એટેક’માં જોવા મળશે. જેકલીન પાસે ઘણા મોટા પ્રોજેક્ટ પાઇપલાઇનમાં છે. અભિનેત્રી ‘બચ્ચન પાંડે’ અને રોહિત શેટ્ટીની ‘સર્કસ’માં જોવા મળશે.