Jio-Airtel recharge plan: જિયો-એરટેલ યુઝર્સ માટે મોટા સમાચાર! રિચાર્જ પ્લાન થશે મોંઘા

Jio-Airtel recharge plan: Jio અને Airtelના પ્લાનમાં 10 ટકાનો વધારો થઈ શકે છે: સૂત્ર

બિજનેસ ડેસ્ક, 29 એપ્રિલઃ Jio-Airtel recharge plan: ટેલિકોમ કંપની રિલાયન્સ જિયો અને એરટેલ કંપની તેમના રિચાર્જની કિંમતો વધારવા જઈ રહી છે. જોકે, Jio અને Airtel તેમના પ્લાનમાં કેટલો વધારો કરવા જઈ રહ્યા છે તે અંગે અલગ-અલગ માહિતી સામે આવી છે. આ મુજબ Jio અને Airtelના પ્લાનમાં 10 ટકાનો વધારો થઈ શકે છે. એટલે કે 200 રૂપિયાના પ્રીપેડ પ્લાનની કિંમત હવે 220 રૂપિયા થશે. તેમજ 1000 રૂપિયાનો પ્લાન હવે 1100 રૂપિયાનો થશે.

નવા રિચાર્જ પ્લાન ક્યારે શરૂ થશે

Jio અને Airtelના રિચાર્જ પ્લાન વર્ષના છેલ્લા ક્વાર્ટરમાં વધુ મોંઘા થઈ શકે છે. આનો અર્થ એ છે કે Jio અને Airtelના રિચાર્જ પ્લાન ડિસેમ્બર અથવા જાન્યુઆરી દરમિયાન મોંઘા થઈ શકે છે. એરટેલ અને જિયો પછી વોડાફોન અને અન્ય ટેલિકોમ કંપનીઓ પણ તેમના રિચાર્જ પ્લાનની કિંમતોમાં વધારો કરી શકે છે. એરટેલ અને જિયોના 4G રિચાર્જ પ્લાન મોંઘા હોવાથી 5G રિચાર્જ પ્લાન લોન્ચ થઈ શકે છે.

કઇ કંપની 5G સેવા આપી રહી છે

હાલમાં ભારતમાં માત્ર બે કંપનીઓ જ 5G સેવા આપી રહી છે Airtel અને Jio. જે સંપૂર્ણપણે મફત છે. બંને કંપનીઓ તેમના 5G ઉપકરણો રાખનારા વપરાશકર્તાઓને મફતમાં અમર્યાદિત 5G ડેટા ઓફર કરી રહી છે. એરટેલે 3,000 થી વધુ શહેરો અને ગ્રામીણ વિસ્તારોમાં 5G સેવાઓ શરૂ કરી છે. એરટેલ નોન-સ્ટેન્ડઅલોન 5G નેટવર્ક સિસ્ટમ પર કામ કરી રહી છે. જ્યારે Jio સ્ટેન્ડઅલોન નેટવર્ક સિસ્ટમ પર કામ કરી રહ્યું છે.

આ પણ વાંચો… Side effect of smartphone: આંખના નુકસાનથી લઈ ઈ-વેસ્ટ સુધી, જાણો સ્માર્ટફોનની 10 સૌથી મોટી આડઅસર

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો