Summer Health Care: શું તમે તડકામાંથી પાછા આવ્યા પછી તરત પાણી પીવો છો?, તો વાંચો શું કહે છે નિષ્ણાંત
Summer Health Care: ઉનાળામાં ઊંચા તાપમાન અને તીવ્ર સૂર્યપ્રકાશને કારણે ડિહાઇડ્રેશનથી બચવા માટે પુષ્કળ પાણીનું સેવન કરવું ખૂબ જ જરૂરી છે
હેલ્થ ડેસ્ક, 25 મેઃ Summer Health Care:ઉનાળાની ઋતુમાં સૂર્યપ્રકાશના વધુ પડતા સંપર્કને કારણે શરીરમાં ડીહાઈડ્રેશન થઈ શકે છે. આને ટાળવા માટે શક્ય તેટલું વધુ પાણી પીવાની સલાહ આપવામાં આવે છે. પરંતુ અતિશય ગરમીમાં તરત જ પાણી પીવાથી ઘણી સમસ્યાઓનો ખતરો પણ વધી જાય છે.
જો તમે ઉનાળામાં સ્વસ્થ રહેવા માંગતા હોવ તો બને તેટલું વધુ પાણી પીવો. ઉનાળામાં પરસેવા દ્વારા શરીરમાંથી ઈલેક્ટ્રોલાઈટ્સ નીકળી જાય છે. આવી સ્થિતિમાં ડિહાઇડ્રેશનનું જોખમ સૌથી વધુ હોય છે. શરીરને ઠંડુ રાખવા માટે પૂરતું પાણી પીવું ખૂબ જ જરૂરી છે. કેટલાક લોકો તડકામાંથી આવ્યા પછી સીધું પીવાનું શરૂ કરે છે, પરંતુ આવી ભૂલ કરવાથી બચવું જોઈએ.
આ પણ વાંચો:- Small Savings Scheme : આ યોજના મહિલાઓને રોકાણ પર 7.50% વ્યાજ આપી રહી છે, વાંચો વિગત
નિષ્ણાંત કહે છે કે, ઉનાળામાં તડકામાંથી કેટલા સમય સુધી પાછા ફર્યા પછી પાણી પીવું જોઈએ અને પાણી પીવાની સાચી રીત કઈ છે તે જાણવું ખૂબ જ જરૂરી છે. આ સિઝનમાં માત્ર હાઇડ્રેશન જ તમને રોગોથી બચાવશે.
ઉનાળામાં ઊંચા તાપમાન અને તીવ્ર સૂર્યપ્રકાશને કારણે ડિહાઇડ્રેશનથી બચવા માટે પુષ્કળ પાણીનું સેવન કરવું ખૂબ જ જરૂરી છે. પરંતુ તમારે ધ્યાનમાં રાખવું જોઈએ કે જ્યારે તમે સખત તડકામાં લાંબો સમય પસાર કર્યા પછી પાછા આવો છો, ત્યારે તમારે તરત જ પાણી પીવું જોઈએ નહીં કારણ કે તેનાથી શરદી, ચક્કર, હીટ સ્ટ્રોક અને ચેપ જેવી સમસ્યાઓનું જોખમ વધી જાય છે.
પાણી ક્યારે પીવું
જ્યારે પણ તમે તડકામાંથી પાછા આવો ત્યારે થોડીવાર અથવા ઓછામાં ઓછા 15-20 મિનિટ આરામથી બેસો, જેથી તમારા શરીરનું તાપમાન સામાન્ય થઈ જાય. શરીરનું તાપમાન સામાન્ય થઈ જાય પછી જ તમારે સામાન્ય અથવા ઓછું ઠંડુ પાણી પીવું જોઈએ. તમારે પાણી એકસાથે પીવાને બદલે ધીમે ધીમે પીવું જોઈએ.