Tiktok Ban in Australia: ઓસ્ટ્રેલિયાએ પણ લગાવ્યો Tiktok પર પ્રતિબંધ, આપ્યા આ આદેશ…
Tiktok Ban in Australia: ઓસ્ટ્રેલિયામાં પ્રતિબંધના લગભગ 15 દિવસ પહેલા ટિકટોકે તેના નિયમો અને શરતોમાં બદલાવ કર્યા હતા
અમદાવાદ, 04 એપ્રિલ: Tiktok Ban in Australia: ઓસ્ટ્રેલિયાએ પણ આખરે સરકારી સાધનોમાં ચીનની વીડિયો એપ ટિકટોકના ઉપયોગ પર પ્રતિબંધ મુકી દીધો છે. આ સાથે, સરકારી ઉપકરણોમાં ટિકટોકના ઉપયોગ પર પ્રતિબંધ મૂકનાર યુએસ, કેનેડા, બ્રિટન અને ન્યુઝીલેન્ડના કહેવાતા ‘ફાઇવ આઇઝ’ ગુપ્તચર જોડાણમાં તે છેલ્લો દેશ બની ગયો છે. એટર્ની જનરલ માર્ક ડ્રેફસે એક નિવેદનમાં જણાવ્યું કે ગુપ્તચર અને સુરક્ષા એજન્સીઓની સલાહ પર પ્રતિબંધ “શક્ય તેટલી વહેલી તકે” અમલમાં આવશે.
યુરોપિયન યુનિયન કાઉન્સિલે પણ પ્રતિબંધ મૂક્યો
TikTok ચીનની ટેક્નોલોજી કંપની ByteDance ની માલિકી ધરાવે છે અને કહે છે કે તે ચીનની સરકાર સાથે ડેટા શેર કરતી નથી. યુરોપિયન સંસદ, યુરોપિયન કમિશન અને યુરોપિયન યુનિયન કાઉન્સિલે પણ ટિકટોક પર પ્રતિબંધ લગાવેલો છે.
યુરોપિયન સંસદના પ્રતિબંધના ભાગરૂપે સંસદના સભ્યો અને સ્ટાફને તેમના અંગત ઉપકરણોમાંથી TikTok એપને હટાવવાની સલાહ આપવામાં આવી છે. ગોપનીયતા અને સુરક્ષાની ચિંતાઓને કારણે ભારતે 2020માં Tiktok અને મેસેજિંગ એપ WeChat સહિત અન્ય ઘણી ચીની એપ્સ પર પ્રતિબંધ મૂક્યો હતો.
ટિકટોકે વધતા દબાણ વચ્ચે નિયમોમાં ફેરફાર કર્યો
તમને જણાવી દઈએ કે ઓસ્ટ્રેલિયામાં પ્રતિબંધના લગભગ 15 દિવસ પહેલા ટિકટોકે તેના નિયમો અને શરતોમાં બદલાવ કર્યા હતા. પશ્ચિમી દેશોના વધતા દબાણ વચ્ચે, સોશિયલ મીડિયા પ્લેટફોર્મ ટિકટોકે માર્ચમાં વપરાશકર્તાઓ માટે તેની સામગ્રી અને નિયમો અપડેટ કર્યા હતા.
વાસ્તવમાં, પશ્ચિમી દેશોએ આ ચાઈનીઝ વીડિયો-શેરિંગ એપની મદદથી નકલી માહિતી ફેલાવવાની શક્યતા અંગે ચિંતા વ્યક્ત કરી છે. જે બાદ કંપનીએ નવી સામુદાયિક માર્ગદર્શિકા જારી કરી છે, જેમાં સામગ્રી અપલોડ કરવા માટે આઠ સિદ્ધાંતો નક્કી કરવામાં આવ્યા છે.
આ પણ વાંચો: Bhavnagar paper leak case: ભાવનગર પેપર લીક મામલે મોટા સમાચાર, આ વ્યક્તિના મોબાઈલથી પેપર થયું હતું વાયરલ
