Ramesh Bidhuri Controversy: ભાજપના સાંસદ રમેશ બિધુરીના નિવેદનથી રાજકીય વર્તુળોમાં હલચલ, જુઓ Video…
Ramesh Bidhuri Controversy: લોકસભામાં તેમની અસંસદીય ટિપ્પણીને નફરતભર્યા ભાષણ તરીકે ગણાવીને વિપક્ષે ભાજપના સાંસદ રમેશ બિધુરી સામે કડક કાર્યવાહીની માંગ કરી
નવી દિલ્હી, 23 સપ્ટેમ્બરઃ Ramesh Bidhuri Controversy: સંસદના તાજેતરમાં પૂરા થયેલા વિશેષ સત્ર દરમિયાન, ભારતીય જનતા પાર્ટી સાંસદ રમેશ બિધુરી ચંદ્રયાનની સફળતા પર લોકસભામાં બોલી રહ્યા હતા. આ દરમિયાન તેણે લોકશાહીના મંદિરમાં બસપા સાંસદ દાનિશ અલી વિરુદ્ધ વાંધાજનક ભાષાનો ઉપયોગ કરવાનું શરૂ કરી દીધું હતું. આ પછી બીજેપી સાંસદની ‘ટિપ્પણી’ રાજકીય તોફાનમાં ફેરવાઈ ગઈ.
વિવાદમાં રહેલા રમેશ બિધુરીએ સંસદમાં જે પણ કહ્યું તેનું પુનરાવર્તન કરવું શક્ય નથી, પરંતુ તેમના નિવેદનોએ રાજકીય વર્તુળોમાં હલચલ મચાવી દીધી છે. ભાજપના સાંસદ રમેશ બિધુરીને કારણ બતાવો નોટિસ જારી કરવામાં આવી હોવા છતાં વિપક્ષ ભાજપને આડે હાથ લેતો જોવા મળી રહ્યો છે. લોકસભામાં તેમની અસંસદીય ટિપ્પણીને નફરતભર્યા ભાષણ તરીકે ગણાવીને વિપક્ષે ભાજપના સાંસદ રમેશ બિધુરી સામે કડક કાર્યવાહીની માંગ કરી છે.
તેમની સામેની વાંધાજનક ટિપ્પણી પર બોલતા દાનિશ અલીએ કહ્યું, “સંસદીય લોકશાહીમાં આ પ્રકારના વર્તનથી ભારતને વિશ્વ નેતા બનાવવાનું સપનું પૂરું નહીં થાય. આ પ્રકારની નફરત કેળવવાનું બંધ કરો.
લોકશાહીની માતા કહેવાતી ભારતની સંસદમાં તમે લઘુમતી સમુદાયના સંસદસભ્યનું અપમાન જ નથી કર્યું પરંતુ સમગ્ર દેશને શરમાવ્યો છે. આ ઉપરાંત તેમણે એમ પણ કહ્યું કે જો રમેશ બિધુરી સામે કાર્યવાહી નહીં થાય તો તેઓ સાંસદ છોડી દેશે.
શું છે મામલો..
આ મામલે કોંગ્રેસ સાંસદ રાહુલ ગાંધીએ કહ્યું કે, નફરતના બજારમાં પ્રેમની દુકાન. આ સિવાય કોંગ્રેસે કહ્યું કે, “રાહુલ ગાંધી તેમને મળવા BSP સાંસદ દાનિશ અલીના ઘરે પહોંચ્યા હતા. ગઈકાલે સંસદમાં ભાજપના સાંસદ રમેશ બિધુરીએ દાનિશ અલીનું અપમાન કર્યું હતું, તેણે ખૂબ જ અભદ્ર અને અસંસદીય શબ્દોનો ઉપયોગ કર્યો હતો અને ભાજપના બે પૂર્વ મંત્રીઓ અશ્લીલ રીતે હસતા રહ્યા હતા.
આ પણ વાંચો… Swachhata Pakhwada 2023: અમદાવાદ સ્વચ્છતા તરફની નવી પરિવર્તન યાત્રા પર નીકળ્યું…
