BBC ban update: BBC પર પ્રતિબંધની માગણી કરતા હિન્દુ સેનાએ આપ્યું ઈન્દિરા ગાંધી સરકારનું ઉદાહરણ…

BBC ban update: CJI ચંદ્રચુડે તાત્કાલિક સુનાવણીનો ઇનકાર કર્યો અને અરજદારને કહ્યું- કાલે આવજો…

નવી દિલ્હી, 02 ફેબ્રુઆરી: BBC ban update: હિન્દુ સેનાના પ્રમુખ વિષ્ણુ ગુપ્તા વતી બીબીસી પર પ્રતિબંધ મૂકવાની અરજી સુપ્રીમ કોર્ટમાં દાખલ કરવામાં આવી છે. બીબીસી પર પ્રતિબંધની માંગ કરતી આ પીઆઈએલમાં આરોપ લગાવવામાં આવ્યો છે કે બ્રિટિશ બ્રોડકાસ્ટિંગ કોર્પોરેશન (બીબીસી) ભારતની એકતા, અખંડિતતા અને સાર્વભૌમત્વને તોડવાનું ષડયંત્ર કરી રહ્યું છે.

હિંદુ સેનાએ પોતાની અરજીમાં કહ્યું છે કે પીએમ નરેન્દ્ર મોદી પર કેન્દ્રિત ડોક્યુમેન્ટ્રી ‘ઈન્ડિયાઃ ધ મોદી ક્વેશ્ચન’ દ્વારા માત્ર વડાપ્રધાન નરેન્દ્ર મોદીની ઈમેજને કલંકિત કરવાનો પ્રયાસ કરવામાં આવ્યો નથી, પરંતુ ભારતના સામાજિક માળખાને પણ ખતમ કરવાનો પ્રયાસ કરવામાં આવ્યો. બીબીસી આઝાદીના સમયથી ભારત વિરોધી કામ કરી રહી છે અને સ્વતંત્ર શાસન હોવા છતાં સતત ભારત વિરોધી પ્રચાર કરી રહી છે.

1970ના ઈન્દિરા સરકારના નિર્ણયનું ઉદાહરણ

આ અરજીમાં ઈન્દિરા ગાંધી સરકારના નિર્ણયનો પણ ઉલ્લેખ કરવામાં આવ્યો છે, જે અંતર્ગત સરકારે વર્ષ 1970માં બીબીસી પર 2 વર્ષ માટે પ્રતિબંધ મૂક્યો હતો અને બીબીસીના કર્મચારીઓને ભારત છોડવા માટે કહેવામાં આવ્યું હતું. અરજીમાં કહેવામાં આવ્યું છે કે 1970માં કોંગ્રેસના 40 સાંસદોએ એક નિવેદન જારી કરીને કહ્યું હતું કે બીબીસી જાણીજોઈને ભારત વિરોધી પ્રચાર પ્રસાર કરી રહ્યું છે.

BBC પર પ્રતિબંધ મૂકવાની અરજી પર CJIએ શું કહ્યું?

ગુરુવારે એટલે કે 2 ફેબ્રુઆરીએ, હિંદુ સેનાની અરજી ભારતના મુખ્ય ન્યાયાધીશ (CJI) ડીવાય ચંદ્રચુડની સામે તાત્કાલિક સૂચિબદ્ધ કરવા માટે આવી. CJI ચંદ્રચુડે તાત્કાલિક સુનાવણીનો ઇનકાર કર્યો અને અરજદારને કહ્યું – કાલે આવજો…

ડોક્યુમેન્ટરી પર પ્રતિબંધ મૂકવા સામે અરજી

જણાવી દઈએ કે કેન્દ્ર સરકારના નિર્દેશો પર યુટ્યુબ અને ટ્વિટરે તેમના પ્લેટફોર્મ પરથી પીએમ મોદી પર કેન્દ્રિત ડોક્યુમેન્ટ્રી ‘ઈન્ડિયાઃ ધ મોદી ક્વેશ્ચન’ હટાવી દીધી છે. સરકારના આ નિર્ણય સામે સુપ્રીમ કોર્ટમાં PIL પણ દાખલ કરવામાં આવી છે.

એડવોકેટ એમએલ શર્માએ તેમની પીઆઈએલમાં આરોપ લગાવ્યો છે કે સત્યને દબાવવા માટે ડોક્યુમેન્ટરી પર ભારતમાં પ્રતિબંધ મૂકવામાં આવ્યો. તેઓએ મોદી સરકારના 21 જાન્યુઆરીના નિર્ણયને રદ્દ કરવાની માંગ કરી છે, જેના હેઠળ ડોક્યુમેન્ટ્રી પર પ્રતિબંધ લગાવવામાં આવ્યો હતો.

CJI ચંદ્રચુડ આ મામલાની તાકીદની સુનાવણી માટે સંમત થયા છે અને આ મામલાની સુનાવણી 6 ફેબ્રુઆરીએ થશે. બીજી તરફ પ્રખ્યાત એડવોકેટ પ્રશાંત ભૂષણ, વરિષ્ઠ પત્રકાર એન. રામે ડોક્યુમેન્ટ્રી પર પ્રતિબંધ મુકવા સામે SCમાં અરજી પણ કરી છે.

આ પણ વાંચો: Food poisoning in eider: ઈડરમાં લગ્ન પ્રસંગે જમણવારમાં ખોરાક લીધા બાદ કેટલાક લોકોની તબિયત લથડી

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો