Famine in Pakistan: પાકિસ્તાનમાં ભૂખમરાથી સ્થિતિ વણસી, મફતનો લોટ લેતી વખતે કેટલાક લોકોના થયા મોત

Famine in Pakistan: સરકારી વિતરણ કંપની પાસેથી મફત લોટ મેળવવાનો પ્રયાસ કરતી વખતે મહિલાઓ સહિત ઓછામાં ઓછા 11 લોકોના મોત થયા

નવી દિલ્હી, 30 માર્ચ: Famine in Pakistan: પાકિસ્તાનમાં ભૂખમરાને કારણે સ્થિતિ ખૂબ જ ખરાબ થઈ ગઈ છે. પાકિસ્તાનના પંજાબ પ્રાંતમાં તાજેતરના દિવસોમાં સરકારી વિતરણ કંપની પાસેથી મફત લોટ મેળવવાનો પ્રયાસ કરતી વખતે મહિલાઓ સહિત ઓછામાં ઓછા 11 લોકોના મોત થયા છે. અધિકારીઓએ આ માહિતી આપી છે

અધિકારીઓએ જણાવ્યું કે, આસમાને પહોંચેલી મોંઘવારીથી રાહત આપવા માટે, ખાસ કરીને પંજાબ પ્રાંતમાં ગરીબો માટે મફત લોટ યોજના શરૂ કર્યા પછી પાકિસ્તાનમાં સરકારી વિતરણ કેન્દ્રો પર અનેક મૃત્યુ નોંધાયા હતા. આ યોજનાનો ઉદ્દેશ્ય પાકિસ્તાન તહરીક-એ-ઈન્સાફ (પીટીઆઈ)ના વડા ઇમરાન ખાનની વધતી લોકપ્રિયતાને ઓછી કરવાનો છે.

દક્ષિણ પંજાબના ચાર જિલ્લાઓ- સાહિવાલ, બહાવલપુર, મુઝફ્ફરગઢ અને ઓકારામાં મફત લોટ કેન્દ્રો પર મંગળવારે બે વૃદ્ધ મહિલાઓ અને એક પુરુષના મોત થયા હતા, જ્યારે 60 અન્ય ઘાયલ થયા હતા. અન્ય જિલ્લાઓ જ્યાં મૃત્યુ નોંધાયા છે તેમાં ફૈસલાબાદ, જહાનિયા અને મુલતાનનો સમાવેશ થાય છે.

પોલીસ પર મફત લોટ મેળવવા માટે લાંબી કતારોમાં રાહ જોતા નાગરિકો પર લાઠીચાર્જ કરવાનો આરોપ છે. મુઝફ્ફરગઢ અને રહીમ યાર ખાન શહેરોમાં મફત લોટની ટ્રકો લૂંટાયા બાદ સુરક્ષા દળોએ પણ કડક વલણ અપનાવ્યું હતું.

પંજાબના કાર્યવાહક મુખ્ય મંત્રી મોહસિન નકવીએ બુધવારે ભીડ અને નાગરિકોને અસુવિધા ઘટાડવા માટે સમગ્ર પ્રાંતમાં સવારે 6 વાગ્યે મફત લોટ કેન્દ્રો ખોલવાની જાહેરાત કરી.

આ પણ વાંચો: MLA fined for tearing PM modi photo: પીએમ મોદીનો ફોટો ફાડવા પર MLAને 99 રૂપિયાનો દંડ, જાણો આ ધારાસભ્ય વિશે…

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો