G-20 Summit 2023: ખરેખર બદલાશે દેશનું નામ! જાણો એવું તો શું થયું…
G-20 Summit 2023: PM મોદીની નેમ પ્લેટ પર ઈન્ડિયાને બદલે ‘ભારત’ લખવામાં આવ્યું
નવી દિલ્હી, 09 સપ્ટેમ્બરઃ G-20 Summit 2023: વડાપ્રધાન નરેન્દ્ર મોદીએ દિલ્હીના પ્રગતિ મેદાનમાં ભારત મંડપમ ખાતે ચાલી રહેલી G20 સમિટમાં ઉદ્ઘાટન સંબોધન કર્યું હતું. આ દરમિયાન તેમની સામે મૂકવામાં આવેલી પ્લેટ પર ભારત લખેલું હતું. વાસ્તવમાં, આ દિવસોમાં ઈન્ડિયા vs ભારતને લઈને દેશમાં જોરદાર ચર્ચા ચાલી રહી છે અને અટકળો લગાવવામાં આવી રહી છે કે ઈન્ડિયાનું નામ બદલીને ભારત કરી શકાય છે.
ભારતીય જનતા પાર્ટીના નેતા અને કેન્દ્રીય મંત્રી સ્મૃતિ ઈરાનીએ પણ સોશિયલ મીડિયા સાઈટ X પર આ અંગે પ્રતિક્રિયા આપી છે. તેણે લખ્યું, “આશા અને વિશ્વાસનું નવું નામ- ભારત.”
ખબર હોય કે, જ્યારે કોઈ દેશની સત્તાવાર મીટિંગ થાય છે, ત્યારે તેના પ્રતિનિધિની આગળ પ્લેટ પર તે દેશનું નામ પણ લખવામાં આવે છે, જે દર્શાવે છે કે મીટિંગમાં હાજર વ્યક્તિ તે દેશનું પ્રતિનિધિત્વ કરી રહી છે.
G-20 સમિટની બેઠકમાં PM મોદીની સામે મૂકવામાં આવેલી પ્લેટ પર ઇન્ડિયાને બદલે અંગ્રેજીમાં BHARAT લખેલું જોવા મળ્યું હતું. આવી સ્થિતિમાં દેશનું નામ બદલવાની અફવાઓ સાચી છે કે કેમ તે અંગે ફરી એકવાર ચર્ચાએ જોર પકડ્યું છે. જો કે આ અંગે હજુ સુધી કોઈ સત્તાવાર નિવેદન બહાર પાડવામાં આવ્યું નથી.
આ પણ વાંચો… Earthquake in Morocco: ભૂકંપથી ધણધણી ઉઠી મોરક્કોની ધરા, અધધ આટલા લોકોની થઈ મોત…
