Karthik Aryan became Sara Ali Khan neighbor: સારા અલી ખાનનો પાડોશી બન્યો એક્સ બોયફ્રેન્ડ કાર્તિક આર્યન, જાણો વિગત…
Karthik Aryan became Sara Ali Khan neighbor: સારા અલી ખાનની બાજુમાં લીધી કાર્તિક આર્યને ઓફિસ
મનોરંજન ડેસ્ક, 09 સપ્ટેમ્બરઃ Karthik Aryan became Sara Ali Khan neighbor: એક્ટર કાર્તિક આર્યન આ દિવસોમાં ઘણા પ્રોજેક્ટ પર કામ કરી રહ્યો છે. કાર્તિકે બહુ ઓછા સમયમાં માયાનગરીમાં પોતાનું એક ખાસ સ્થાન બનાવી લીધું છે. તેની ઘણી ફિલ્મો એક પછી એક હિટ થઈ છે. આવી સ્થિતિમાં હવે કાર્તિકના ફેન્સ માટે એક સારા સમાચાર છે.
અમિતાભ બચ્ચન, સારા અલી ખાન, અજય દેવગન અને કાજોલ પછી હવે કાર્તિકે મુંબઈમાં પોતાના માટે ઓફિસ સ્પેસ ખરીદી છે. કાર્તિકે મુંબઈના ઓશિવારામાં લોટસ સિગ્નેચર ટાવરમાં ઓફિસ પ્રોપર્ટીમાં રોકાણ કર્યું છે.
સારા અલી ખાનની બાજુમાં લીધી કાર્તિક આર્યને ઓફિસ
કાર્તિક આર્યન અને સારા અલી ખાનની ઓફિસ લોટસ સિગ્નેચર ટાવરના ચોથા માળે છે. કાર્તિકે યુનિટ 403 ખરીદ્યું છે જ્યારે સારા યુનિટ 402 ની માલિક છે. સારાએ થોડા સમય પહેલા આ ઓફિસ ખરીદી હતી. કાર્તિકે આ પ્રોપર્ટી રૂ. 10.9 કરોડમાં ખરીદી હતી, જેના માટે તેણે રૂ. 47.55 લાખની સ્ટેમ્પ ડ્યુટી ચૂકવી છે.
તમને જણાવી દઈએ કે અમિતાભ બચ્ચને આ ટાવરના 21મા માળે ચાર યુનિટ અને 12 કાર માટે પાર્કિંગ લીધું છે, જેની કિંમત લગભગ 29 કરોડ રૂપિયા છે. તેમજ, અજય દેવગણે આ જ બિલ્ડિંગમાં 45 કરોડ રૂપિયામાં 5 રહેણાંક ફ્લેટ પણ ખરીદ્યા છે.
કાર્તિક આર્યનનું વર્ક ફ્રન્ટ
કાર્તિક આર્યનના વર્કફ્રન્ટ વિશે વાત કરીએ તો, તે આ દિવસોમાં ‘ભૂલ ભૂલૈયા 2’ અને ‘સત્યપ્રેમ કી કથા’ પછી ઘણી ફિલ્મોના શૂટિંગમાં વ્યસ્ત છે. કાર્તિક હવે ડિરેક્ટર કબીર ખાનની ફિલ્મ ‘ચંદુ ચેમ્પિયન’માં જોવા મળશે. આ ફિલ્મ જૂન, 2024 માં રિલીઝ થવા જઈ રહી છે. આ સિવાય તે ‘કેપ્ટન ઈન્ડિયા’ અને ‘આશિકી 3’માં પણ જોવા મળશે.
આ પણ વાંચો… G-20 Summit 2023: ખરેખર બદલાશે દેશનું નામ! જાણો એવું તો શું થયું…
