Children killed in shooting at school: રશિયાની એક શાળામાં થયુ ફાયરિંગ,7 વિદ્યાર્થી સહિત 13 લોકોનાં કરુણ મોત
Children killed in shooting at school: બે શાળાના શિક્ષક અને બે સિક્યોરિટી ગાર્ડ પણ માર્યા ગયા
નવી દિલ્હી, 27 સપ્ટેમ્બરઃ Children killed in shooting at school: રશિયામાં ઇઝેવસ્ક શહેરની એક શાળામાં સોમવારે એક બંદૂકધારીએ ગોળીબાર કર્યો હતો. ઘટનામાં 13 લોકોનાં મોત થયાં છે, જ્યારે 20 લોકો ઘાયલ થયા છે. મૃતકોમાં સાત વિદ્યાર્થી હતા. આ તમામની ઉંમર 11 વર્ષથી ઓછી બતાવવામાં આવી રહી છે. એ સિવાય બે શાળાના શિક્ષક અને બે સિક્યોરિટી ગાર્ડ પણ માર્યા ગયા છે.
મીડિયા રિપોર્ટ્સ અનુસાર, ઇઝેવસ્ક શહેર રશિયાની રાજધાની મોસ્કોથી 960 કિલોમીટર દૂર છે અને ઉદમુર્તિયા વિસ્તારનો ભાગ છે. આ વિસ્તારમાં ઇન્ડસ્ટ્રિયલ હબ તરીકે વધુ ઓળખાય છે. આ શહેરની વસતિ 6 લાખ 40 હજાર છે.
એક અજાણી વ્યક્તિ બંદૂક લઈને શાળામાં ઘૂસી ગઈ હતી. માનવામાં આવી રહ્યું છે કે તે શાળાની દીવાલ પર ચઢીને અંદર ઘૂસ્યો હતો અને આ કારણે જ તે ગાર્ડ્સની નજરથી બચી ગયો હતો.
આ વ્યક્તિએ શાળામાં પ્રવેશતાંની સાથે વર્ગમાં જઈ રહેલાં બાળકો પર ફાયરિંગ શરૂ કરી દીધું હતું. આ દરમિયાન શાળામાં ભાગમદોડ મચી ગઈ હતી. જ્યારે હથિયાર સાથે સિક્યોરિટી ગાર્ડ્સે હુમલાખોરને ઝડપી પાડ્યો ત્યારે તેણે પોતાને ગોળી મારી દીધી, જેમાં તેનું પણ મૃત્યુ થયું છે.