Above 85 years of age can Vote From Home: 85 વર્ષથી વધુ ઉંમરના મતદારો ઘરેથી જ કરી શકશે મતદાન, જાણો કેવી રીતે?
Above 85 years of age can Vote From Home: ચૂંટણી પંચે એમ પણ કહ્યું કે આ વખતે 85 વર્ષથી વધુ વયના મતદારોની સંખ્યા 82 લાખ છે
નવી દિલ્હી, 17 માર્ચઃ Above 85 years of age can Vote From Home: લોકસભાની ચૂંટણીની તારીખોની જાહેરાત થઈ ચૂકી છે. ચૂંટણી પંચે ચૂંટણી કાર્યક્રમ જાહેર કર્યો છે. આ સમયગાળા દરમિયાન દેશભરમાં લોકસભાની ચૂંટણીઓ યોજાશે અને અરુણાચલ પ્રદેશ, સિક્કિમ, ઓરિસ્સા અને આંધ્ર પ્રદેશમાં વિધાનસભાની ચૂંટણી પણ યોજાશે. ચૂંટણી પંચે કહ્યું કે આ વખતે લગભગ 97 કરોડ મતદારો લોકસભા ચૂંટણીમાં ભાગ લેશે. આ સાથે મતદાન પ્રક્રિયા દરમિયાન 55 લાખ ઈવીએમનો ઉપયોગ કરવામાં આવશે. આ મશીનો 10.5 લાખ મતદાન મથકો પર લગાવવામાં આવશે. આ સાથે ચૂંટણી પંચે ઘરે બેઠા મતદાનની વ્યવસ્થા કરી છે.
Assured Minimum Facilities at 10.48 lakh Polling Stations across the length and breadth of the nation. Voters above 85 years of age and PwDs with 40 percent benchmark disability can vote from home: CEC Rajiv Kumar#LokSabhaElection2024 pic.twitter.com/r4XwN1MZgN
— All India Radio News (@airnewsalerts) March 16, 2024
ચૂંટણી પંચે એમ પણ કહ્યું કે આ વખતે 85 વર્ષથી વધુ વયના મતદારોની સંખ્યા 82 લાખ છે. જ્યારે 18 થી 19 વર્ષની વયજૂથમાં મહિલા મતદારોની સંખ્યા 85.3 લાખ અને 20 થી 29 વર્ષની વયજૂથના મતદારોની સંખ્યા 19.74 કરોડ છે. એટલું જ નહીં, આ ચૂંટણીમાં 48 હજાર ટ્રાન્સજેન્ડર મતદારો છે. 88.4 લાખ શારીરિક રીતે વિકલાંગ મતદારો છે. અહીં 19.1 લાખ કાર્યકારી મતદારો છે અને 2.18 લાખ મતદારો કેન્દ્રીય કર્મચારીઓ છે.
મુખ્ય ચૂંટણી કમિશનરે કહ્યું કે ચૂંટણીમાં હિંસાને કોઈ સ્થાન નથી. તેનાથી બચવા માટે અમે તેની સાથે કડકાઈથી કાર્યવાહી કરીશું અને દરેક જિલ્લામાં એક કંટ્રોલ રૂમની સ્થાપના કરવામાં આવી છે. CECએ કહ્યું કે 85 વર્ષથી વધુ ઉંમરના મતદારો માટે ઘરેથી મતદાન કરવાની સુવિધા હશે. આ સાથે 40 % થી વધુ ડિસએબીલિટી ધરાવતા મતદારોના ઘરે જઈને વોટ લેવામાં આવશેની ચૂંટણી પંચે જાહેરાત કરી છે.
આ દરમિયાન તેમણે કહ્યું કે જો ક્યાંય પણ પૈસાની વહેંચણીનો મામલો હોય તો ફોટા લઈને ચૂંટણી પંચને મોકલો. ચૂંટણી પંચ 100 મિનિટમાં ટીમ મોકલીને સમસ્યાનો ઉકેલ લાવશે. આટલું જ નહીં, 1 એપ્રિલ, 2024 સુધીમાં 18 વર્ષની ઉંમરની કોઈપણ વ્યક્તિ આ ચૂંટણીમાં મતદાન કરી શકશે.