Gujarat Foundation day: ક્યારેક નરસિંહે તો ક્યારેક નર્મદે કેવી ગજવી ગુજરાતી…..
શીર્ષક :- ‘પરખ’ વંદે, બોલો છે ને ગુજરાતી!(Gujarat Foundation day)
છૂટાં પડતાં જતાંને આવજો કહી ફરી મળવાની આશા જગાડીએ એ આપણી ગુજરાતી;
ગુસ્સે થતાં તારી ભલી થાય એમ કહીએ જેમાં ઈચ્છીએ તો ભલું જ; બોલો છે ને ગુજરાતી!
ખારું હોય તોયે મીઠું કહીએ, બહુ ડાહ્યો કહીએ મેણું મારતા, ગણીએ તો ડાહ્યો એ ગુજરાતી;
અણગમો બતાવીને કહીએ ભલા માણહ, એને ગણીએ તો ભલો જ ; બોલો છે ને ગુજરાતી!
ખરો છે એમ ખોટાને કહીએ પણ કહીએ તો ખરો જ, આવો પ્રભાવ ધરાવે એ ગુજરાતી;
કક્કો અને બારાખડીનું કેવું સંયોજન , છંદ અને અલંકારનું પ્રયોજન, બોલો છે ને ગુજરાતી!
કેપીટલ કે સ્મોલ લેટર્સ નહીં કારણે ના માને કોઈ પણ ઊંચનીચમાં; ગમે એવી ગુજરાતી;
એકજ વાક્ય માં શબ્દની જગા બદલો , ઢગલો અર્થ મળે એવી કમાલ, બોલો છે ને ગુજરાતી!
ક્યારેક નરસિંહે તો ક્યારેક નર્મદે કેવી ગજવી ગુજરાતી, વિશ્વમાં વહેતી કરી ગરવી ગુજરાતી;
‘હર્ષ’ કહે ભાષા મારી મા, ‘પરખ’ વંદે ભાષાને, ના વિયોગ બસ સંયોગ, બોલો છે ને ગુજરાતી!
આ પણ વાંચો:- Nomination for Padma Award-2025: પદ્મ પુરસ્કાર-2025 માટે નામાંકન શરૂ