Fake News: ચેકબુકના નવા નિયમો અંગેનો વાયરલ મેસેજ ખોટો
Fake News: 1 જાન્યુઆરી, 2027થી નવી ચેકબુક ફરજિયાત થવાનો દાવો RBI અને PIBએ ફગાવ્યો; હાલ કોઈ નવા નિયમો જાહેર કરાયા નથી.
Fake News; RBIના નામે ચેકબુકના નવા નિયમો અંગેનો મેસેજ ખોટો, PIB ફેક્ટ ચેકમાં ખુલાસો
અમદાવાદ, 10 નવેમ્બર: Fake News: સોશિયલ મીડિયા અને વોટ્સએપ પર ભારતીય રિઝર્વ બેંક (RBI)ના નામે ચેકબુકના નવા નિયમો અંગે એક મેસેજ ઝડપથી વાયરલ થઈ રહ્યો છે. આ મેસેજમાં દાવો કરવામાં આવ્યો છે કે 31 ડિસેમ્બર, 2026 પછી હાલની ચેકબુકમાં ફેરફાર થશે અને 1 જાન્યુઆરી, 2027થી નવી સુરક્ષા સુવિધાઓ ધરાવતી ચેકબુક અમલમાં આવશે. જોકે, આ દાવો સંપૂર્ણપણે ખોટો અને ભ્રામક હોવાનું PIB ફેક્ટ ચેક દ્વારા સ્પષ્ટ કરવામાં આવ્યું છે.
RBIએ શું સ્પષ્ટતા કરી?
It has come to the notice of the Reserve Bank of India that a message is circulating on social media claiming that the standard Cheque Truncation System (CTS) cheque books currently in use will change from December 31, 2026 and the new cheque books featuring updated security standards will come into effect from January 1, 2027. It is clarified that at present Reserve Bank of India is not introducing any such measures with regard to the CTS cheque books. As such, the message is factually incorrect and misleading. Members of public are requested to rely only on the information published by RBI from time to time in such matters.
— ReserveBankOfIndia (@RBI) November 7, 2026
રિઝર્વ બેંક ઓફ ઇન્ડિયાએ 7 નવેમ્બરના રોજ પોતાના સત્તાવાર X એકાઉન્ટ પર પોસ્ટ કરીને વાયરલ મેસેજ અંગે સ્પષ્ટતા કરી હતી. RBIએ જણાવ્યું હતું કે હાલમાં ચેક ટ્રંક્શન સિસ્ટમ (CTS) હેઠળ ઉપયોગમાં લેવાતી ચેકબુક અંગે કોઈ નવા ફેરફાર કરવામાં આવી રહ્યા નથી.
બેંકે વધુમાં જણાવ્યું કે 31 ડિસેમ્બર, 2026 પછી હાલની ચેકબુક બદલવાની રહેશે અથવા 1 જાન્યુઆરી, 2027થી નવી સુરક્ષા સુવિધાઓવાળી ચેકબુક ફરજિયાત બનશે તેવો દાવો તથ્યવિહોણો અને ભ્રામક છે.
PIB ફેક્ટ ચેકે પણ દાવાને ખોટો ગણાવ્યો(Fake News)
PIB ફેક્ટ ચેકે 7 નવેમ્બરના રોજ સોશિયલ મીડિયા પર પોસ્ટ કરીને લોકોને આવા ખોટા દાવાઓથી સાવચેત રહેવાની અપીલ કરી હતી. PIBએ સ્પષ્ટ કર્યું કે RBIએ 1 જાન્યુઆરી, 2027થી નવા (Fake News) ચેકબુક નિયમો લાગુ કરવાની કોઈ જાહેરાત કરી નથી.
આ પણ વાંચો:- Mushroom Farming: મશરૂમની ખેતીથી વધતી રોજગારીની નવી તકો
આ સાથે લોકોને અપીલ કરવામાં આવી છે કે બેંકિંગ અને નાણાકીય નિયમો અંગેની માહિતી માટે માત્ર RBIની સત્તાવાર જાહેરાતો પર જ વિશ્વાસ રાખે અને ચકાસણી કર્યા વગર આવા મેસેજને આગળ ફોરવર્ડ ન કરે.
🚨 Beware of Fake Claims! A message being circulated on WhatsApp and other social media platforms falsely claims that the RBI has announced new cheque book rules, coming into effect from January 1, 2027. #PIBFactCheck: ❌ The claim is FAKE. ✅ The @RBI has made NO such announcement. ℹ️ Verify information through official sources and do not share or forward unverified claims.
— PIB Fact Check (@PIBFactCheck) November 7, 2026
ચેક ટ્રંક્શન સિસ્ટમ (CTS) શું છે?
ચેક ટ્રંક્શન સિસ્ટમ એટલે કે CTS એ ચેક ક્લિયર કરવાની ઇલેક્ટ્રોનિક પ્રક્રિયા છે. (Fake News) આ વ્યવસ્થામાં ચેકને એક બેંકમાંથી બીજી બેંકમાં ભૌતિક રીતે મોકલવાની જરૂર પડતી નથી. તેના બદલે ચેકની ડિજિટલ તસવીર અને જરૂરી વિગતો ઇલેક્ટ્રોનિક માધ્યમથી સંબંધિત બેંક સુધી પહોંચાડવામાં આવે છે. તેનાથી ચેક ક્લિયર કરવાની પ્રક્રિયા ઝડપી બને છે.
ગ્રાહકોએ શું ધ્યાન રાખવું?
હાલની સ્થિતિમાં RBI દ્વારા CTS ચેકબુક અંગે કોઈ નવા નિયમો જાહેર કરવામાં આવ્યા નથી. તેથી માત્ર સોશિયલ મીડિયા પર ફરતા મેસેજના આધારે નવી ચેકબુક મેળવવાની ઉતાવળ કરવાની જરૂર નથી. બેંકિંગ સંબંધિત કોઈપણ ફેરફાર અંગે માહિતી મેળવવા માટે RBIની સત્તાવાર વેબસાઇટ અને પ્રમાણિત સોશિયલ મીડિયા એકાઉન્ટ પર જ ભરોસો રાખવો જોઈએ.
નિષ્કર્ષ: 1 જાન્યુઆરી, 2027થી નવી ચેકબુક ફરજિયાત થવાનો (Fake News) વાયરલ મેસેજ ખોટો છે. RBI અને PIB ફેક્ટ ચેક બંનેએ આ દાવાને ભ્રામક ગણાવ્યો છે.