PM Modi Philippines Visit: ફિલિપાઈન્સમાં PM મોદીનું ભવ્ય સ્વાગત, રાષ્ટ્રપતિના ગાલા ડિનરમાં થયા સામેલ
PM Modi Philippines Visit: પરંપરાગત ફિલિપિનો પોશાક ‘બારૉંગ ટાગાલોગ’માં જોવા મળ્યા PM મોદી; 100 વર્ષથી વધુ જૂના ગુરુદ્વારા ખાલસા દીવાનના પુનર્વિકાસ સમારોહમાં પણ લેશે ભાગ
મનીલા | 16 નવેમ્બર 2026 | આંતરરાષ્ટ્રીય ડેસ્ક: PM Modi Philippines Visit: પ્રધાનમંત્રી નરેન્દ્ર મોદી ફિલિપાઈન્સના પ્રવાસ દરમિયાન સોમવારે મનીલામાં રાષ્ટ્રપતિ ફર્ડિનાન્ડ આર. માર્કોસ જુનિયર દ્વારા આયોજિત ભવ્ય ગાલા ડિનરમાં સામેલ થયા હતા. આ ડિનર 49મી આસિયાન સમિટ અને સંબંધિત બેઠકોમાં ભાગ લેવા આવેલા વિવિધ દેશોના નેતાઓ તથા મહાનુભાવો માટે યોજવામાં આવ્યું હતું. આ પ્રસંગે પ્રધાનમંત્રી મોદી ફિલિપાઈન્સના પરંપરાગત ઔપચારિક પોશાક ‘બારૉંગ ટાગાલોગ’માં જોવા મળ્યા હતા.
પ્રધાનમંત્રી મોદી 16થી 17 નવેમ્બર દરમિયાન ફિલિપાઈન્સના (PM Modi Philippines Visit) પ્રવાસે છે. આ પ્રવાસ દરમિયાન તેઓ 23મી આસિયાન-ભારત સમિટ અને 21મી ઈસ્ટ એશિયા સમિટમાં ભાગ લેશે. આ બંને સમિટનું આયોજન ફિલિપાઈન્સ દ્વારા આસિયાનના 2026ના અધ્યક્ષ તરીકે કરવામાં આવી રહ્યું છે. પ્રધાનમંત્રીનો આ પ્રવાસ ભારત અને દક્ષિણ-પૂર્વ એશિયાઈ દેશો વચ્ચેના રાજદ્વારી, આર્થિક અને વ્યૂહાત્મક સંબંધોની દૃષ્ટિએ મહત્વપૂર્ણ માનવામાં આવે છે.
રાષ્ટ્રપતિ માર્કોસના ગાલા ડિનરમાં સામેલ થયા PM મોદી
PM Modi Philippines Visit: ફિલિપાઈન્સના રાષ્ટ્રપતિ ફર્ડિનાન્ડ આર. માર્કોસ જુનિયરે મનીલાના ફિલિપાઈન ઇન્ટરનેશનલ કન્વેન્શન સેન્ટરમાં ગાલા ડિનરનું આયોજન કર્યું હતું. તેમાં આસિયાન સમિટ અને સંબંધિત બેઠકોમાં ભાગ લેવા આવેલા નેતાઓ તથા પ્રતિનિધિમંડળોના સભ્યો ઉપસ્થિત રહ્યા હતા.
આ પ્રસંગે પ્રધાનમંત્રી મોદીએ ફિલિપાઈન્સના રાષ્ટ્રપતિ માર્કોસ જેવા જ પરંપરાગત ઔપચારિક પોશાક ‘બારૉંગ ટાગાલોગ’ ધારણ કર્યો હતો. આ પોશાક ફિલિપાઈન્સમાં પુરુષો માટેનું પરંપરાગત ઔપચારિક વસ્ત્ર માનવામાં આવે છે. ડિનરમાં સ્થાનિક સંસ્કૃતિની ઝલક રજૂ કરતી વિશેષ સાંસ્કૃતિક પ્રસ્તુતિઓ અને ફિલિપિનો વાનગીઓ પણ સામેલ હતી.
આ પણ વાંચો: –Dholera SIR: ધોલેરામાં હોસ્પિટલ, હોટેલ અને સ્કૂલ સહિત શહેરી સુવિધાઓનું નિર્માણ તેજ – Desh ki Aawaz
આ ગાલા ડિનર માત્ર ઔપચારિક ભોજન સમારોહ નહોતો, પરંતુ આસિયાન દેશો અને અન્ય ભાગીદાર દેશોના નેતાઓને એક મંચ પર મળવાની તક પણ હતી. પ્રાદેશિક સહયોગ, પરસ્પર સંબંધો અને સાંસ્કૃતિક આદાનપ્રદાનની દૃષ્ટિએ આવા કાર્યક્રમો મહત્વ ધરાવે છે.
મનીલામાં ભારતીય સમુદાયે કર્યું ઉષ્માભર્યું સ્વાગત
મનીલા પહોંચ્યા (PM Modi Philippines Visit) બાદ પ્રધાનમંત્રી નરેન્દ્ર મોદીનું ભારતીય સમુદાયના સભ્યોએ ઉષ્માભર્યું સ્વાગત કર્યું હતું. એરપોર્ટ પર મોટી સંખ્યામાં ભારતીય મૂળના લોકો અને સ્થાનિક કલાકારો હાજર રહ્યા હતા. આ પ્રસંગે પરંપરાગત ગીતો અને નૃત્ય દ્વારા ભારતની સાંસ્કૃતિક પરંપરાની ઝલક રજૂ કરવામાં આવી હતી.

પ્રધાનમંત્રીએ ભારતીય સમુદાય સાથેની મુલાકાત અંગે ખુશી વ્યક્ત કરતાં જણાવ્યું હતું કે ભારતીય મૂળના લોકો પોતાની સંસ્કૃતિ અને પરંપરાઓને જાળવી રાખવાની સાથે ભારત અને ફિલિપાઈન્સ વચ્ચેના સંબંધોને વધુ મજબૂત બનાવવામાં પણ યોગદાન આપી રહ્યા છે.
આ કાર્યક્રમમાં બંને દેશોના બાળકોએ પૂર્ણકુંભ શ્લોકનું પઠન કર્યું હતું. ત્યારબાદ બોલિવૂડ અને ભાંગડાની રજૂઆત કરવામાં આવી હતી. ભારતીય સંગીત, નૃત્ય અને પરંપરાગત સંસ્કૃતિની આ રજૂઆતથી કાર્યક્રમમાં ઉત્સાહભર્યું વાતાવરણ સર્જાયું હતું.
રામાયણની વિશેષ નાટ્યપ્રસ્તુતિ નિહાળી
મનીલામાં પ્રધાનમંત્રી મોદીએ ‘સીતા: ધ રામાયણ રિવિઝિટેડ’ નામની વિશેષ નાટ્યપ્રસ્તુતિ પણ નિહાળી હતી. ઇલિગન શહેરની ઇન્ટિગ્રેટેડ પરફોર્મિંગ આર્ટ્સ ગિલ્ડ દ્વારા રજૂ કરવામાં આવેલી આ નાટ્યપ્રસ્તુતિમાં રામાયણની કથાને સ્થાનિક સાંસ્કૃતિક અભિવ્યક્તિ સાથે રજૂ કરવામાં આવી હતી.

આ કાર્યક્રમનો હેતુ રામાયણની કથા કેવી રીતે ભારતની સીમાઓથી આગળ વધીને દક્ષિણ-પૂર્વ એશિયાના વિવિધ દેશોની સાંસ્કૃતિક પરંપરાઓમાં સ્થાન પામી છે તે દર્શાવવાનો હતો. ભારત અને ફિલિપાઈન્સ વચ્ચેના ઐતિહાસિક તથા સાંસ્કૃતિક સંબંધોની ઝલક આ પ્રસ્તુતિ દ્વારા સામે આવી હતી.
પ્રધાનમંત્રીએ ફિલિપાઈન્સના ઐતિહાસિક (PM Modi Philippines Visit) વારસાની ઝલક પણ નિહાળી હતી. તેમણે અગૂસાનના ગોલ્ડન તારા અને 9મી તથા 10મી સદીના ઐતિહાસિક લગુના કોપરપ્લેટ ઇન્સ્ક્રિપ્શનની પ્રતિકૃતિઓ જોઈ હતી. આ ઐતિહાસિક વસ્તુઓ ફિલિપાઈન્સના પ્રાચીન સાંસ્કૃતિક અને ઐતિહાસિક વારસાને સમજવાની તક પૂરી પાડે છે.
100 વર્ષથી વધુ જૂના ગુરુદ્વારાના પુનર્વિકાસ સમારોહમાં લેશે ભાગ
પ્રધાનમંત્રી મોદીના ફિલિપાઈન્સ પ્રવાસનો (PM Modi Philippines Visit) એક મહત્વપૂર્ણ કાર્યક્રમ મનીલાના ઐતિહાસિક ગુરુદ્વારા ખાલસા દીવાન સાથે પણ જોડાયેલો છે. પ્રધાનમંત્રીએ જણાવ્યું છે કે 17 નવેમ્બરે તેઓ આ ગુરુદ્વારાના પુનર્વિકાસ કાર્યની શરૂઆત નિમિત્તે યોજાનારા સમારોહમાં ભાગ લેશે.
આ ગુરુદ્વારાને 100 વર્ષથી વધુ જૂનો અને શીખ સમુદાય માટે અત્યંત આધ્યાત્મિક મહત્વ ધરાવતો ધાર્મિક સ્થળ ગણાવવામાં આવે છે. પ્રધાનમંત્રીએ શીખ ગુરુઓના ઉપદેશોનો ઉલ્લેખ કરતાં જણાવ્યું હતું કે શીખ સમુદાયે વિશ્વભરમાં સેવા, માનવતા અને સમાજકલ્યાણના ક્ષેત્રે મહત્વપૂર્ણ યોગદાન આપ્યું છે.
ગુરુદ્વારા ખાલસા દીવાન ફિલિપાઈન્સમાં શીખ સમુદાયની ધાર્મિક અને સામાજિક ઓળખનું મહત્વપૂર્ણ કેન્દ્ર છે. તેના પુનર્વિકાસ કાર્યની શરૂઆતનો કાર્યક્રમ ભારતીય પ્રવાસી સમુદાય અને શીખ સંગત માટે વિશેષ મહત્વ ધરાવે છે.
આસિયાન-ભારત અને ઈસ્ટ એશિયા સમિટમાં ભાગ લેશે
પ્રધાનમંત્રી મોદીના પ્રવાસનો (મુખ્ય રાજદ્વારી હેતુ 23મી આસિયાન-ભારત સમિટ અને 21મી ઈસ્ટ એશિયા સમિટમાં ભારતનું પ્રતિનિધિત્વ કરવાનો છે. બંને સમિટ 17 નવેમ્બરે મનીલામાં યોજાવાની છે.
આસિયાન-ભારત સંબંધો ભારતની એક્ટ ઈસ્ટ નીતિનો મહત્વપૂર્ણ આધારસ્તંભ છે. ભારત અને આસિયાન દેશો વચ્ચે વેપાર, કનેક્ટિવિટી, દરિયાઈ સુરક્ષા, ટેક્નોલોજી અને લોકો વચ્ચેના સંપર્ક જેવા ક્ષેત્રોમાં સહયોગ સતત વિસ્તરી રહ્યો છે.
આસિયાન-ભારત સમિટમાં વ્યાપક વ્યૂહાત્મક ભાગીદારીની પ્રગતિની સમીક્ષા કરવામાં આવશે. આ ઉપરાંત 2026થી 2030 માટેની આસિયાન-ભારત કાર્યયોજનાના અમલીકરણ અને ભવિષ્યના સહયોગની દિશા અંગે ચર્ચા થવાની છે.
ઈસ્ટ એશિયા સમિટમાં પ્રાદેશિક અને વૈશ્વિક મહત્વના મુદ્દાઓ પર આસિયાન તથા અન્ય ભાગીદાર દેશોના નેતાઓ વિચારોનું આદાનપ્રદાન કરશે. ઈન્ડો-પેસિફિક ક્ષેત્રમાં શાંતિ, સ્થિરતા અને સહયોગ મજબૂત કરવા માટે આ મંચ મહત્વપૂર્ણ માનવામાં આવે છે.
ભારત-ફિલિપાઈન્સ સંબંધોને નવી ગતિ આપવાનો પ્રયાસ(PM Modi Philippines Visit)

ભારત અને આસિયાન દેશો વચ્ચે 2026ને દરિયાઈ સહયોગના વર્ષ તરીકે ઉજવવામાં આવી રહ્યું છે. વર્ષ 2027માં ભારત અને આસિયાન વચ્ચેના સંવાદ સંબંધોને 35 વર્ષ પૂર્ણ થશે, જ્યારે વ્યાપક વ્યૂહાત્મક ભાગીદારીને પાંચ વર્ષ પૂર્ણ થશે.
પ્રધાનમંત્રીનો આ પ્રવાસ માત્ર સમિટમાં ભાગ લેવા પૂરતો મર્યાદિત નથી. તેમાં દ્વિપક્ષીય સંબંધો, સાંસ્કૃતિક જોડાણ, ભારતીય પ્રવાસી સમુદાય સાથેનો સંપર્ક અને પ્રાદેશિક સહયોગ જેવા અનેક પાસાઓ સામેલ છે.
મનીલામાં રાષ્ટ્રપતિ માર્કોસ દ્વારા આયોજિત ગાલા ડિનરમાં પ્રધાનમંત્રીની ઉપસ્થિતિ, ભારતીય સમુદાય સાથેની મુલાકાત અને રામાયણની નાટ્યપ્રસ્તુતિએ પ્રવાસને સાંસ્કૃતિક પરિમાણ પણ આપ્યું છે. હવે 17 નવેમ્બરે યોજાનારી આસિયાન-ભારત અને ઈસ્ટ એશિયા સમિટ તેમજ ગુરુદ્વારા ખાલસા દીવાનના પુનર્વિકાસ સમારોહ પર સૌની નજર રહેશે.
