New rules for june 2023: 1 જૂનથી થઈ શકે છે આ મોટા ફેરફાર, જાણો તમારા ખિસ્સા પર કેવી પડશે અસર

New rules for june 2023: 1 જૂનથી દેશમાં ઇલેક્ટ્રિક ટુ વ્હીલર ખરીદવું મોંઘું થઈ જ

કામની ખબર, 30 મેઃ New rules for june 2023: મે મહિનો હવે ગણતરીના દિવસોમાં જ પૂરો થવાનો છે. આ પછી જૂન મહિનો શરૂ થશે. દર મહિનાની પહેલી તારીખે કેટલાક ફેરફારો થાય છે. તેવી જ રીતે 1 જૂનથી ઘણા ફેરફારો થવા જઈ રહ્યા છે, જેની સીધી અસર તમારા ખિસ્સા પર પડશે. તેથી, જૂન મહિનાની શરૂઆત પહેલાં, જાણો કે કયા ફેરફારો થવાના છે અને તે તમારા પર કેવી અસર કરશે.

એલપીજીના ભાવમાં થઈ શકે છે ફેરફાર

સરકારી તેલ કંપનીઓ દર મહિનાની પહેલી તારીખે એલપીજીના ભાવમાં ફેરફાર કરે છે. એલપીજી ગેસના ભાવ દર મહિનાની એક તારીખે નક્કી કરવામાં આવે છે. એપ્રિલ અને મેની પહેલી તારીખે 19 કિલોના કોમર્શિયલ એલપીજી સિલિન્ડરની કિંમતમાં ઘટાડો કરવામાં આવ્યો હતો. જોકે, 14 કિલોના એલપીજી સિલિન્ડરની કિંમતમાં કોઈ ફેરફાર થયો નથી. માર્ચ મહિનામાં ઘરેલુ ગેસ સિલિન્ડરની કિંમતમાં રૂ.50 સુધીનો ઘટાડો કરવામાં આવ્યો હતો.

CNG-PNGના ભાવમાં થઈ શકે છે ફેરફાર

એલપીજી સિલિન્ડર ની જેમ સીએનજી-પીએનજીના ભાવ પણ દર મહિનાની પહેલી તારીખે બદલાય છે. પેટ્રોલિયમ કંપનીઓ દિલ્હી અને મુંબઈ જેવા શહેરોમાં CNG-PNGના ભાવમાં ફેરફાર કરે છે. એપ્રિલમાં દિલ્હી અને મુંબઈમાં CNG-PNGના ભાવમાં ઘટાડો કરવામાં આવ્યો હતો. જો કે, પહેલી મેના દિવસે બહુ બદલાયું ન હતું. આવી સ્થિતિમાં સામાન્ય લોકોની નજર પહેલી તારીખ પર ટકેલી છે અને તેઓ CNG-PNGના ભાવમાં ફેરફારની અપેક્ષા રાખી રહ્યા છે.

ઇલેક્ટ્રિક વાહનો મોંઘા થશે

1 જૂનથી દેશમાં ઇલેક્ટ્રિક ટુ વ્હીલર ખરીદવું મોંઘું થઈ જશે. એટલે કે, જો તમે 1 જૂન પછી ઇલેક્ટ્રિક બાઇક અથવા સ્કૂટર ખરીદવા જાઓ છો, તો તમારે વધુ કિંમત ચૂકવવી પડશે. 21 મેના રોજ બહાર પાડવામાં આવેલી સૂચના મુજબ, ભારે ઉદ્યોગ મંત્રાલયે FAME-II સબસિડીની રકમમાં સુધારો કર્યો છે અને તેને ઘટાડીને રૂ. 10,000 પ્રતિ kWh કર્યો છે. તે જ સમયે, અગાઉ આ રકમ 15,000 રૂપિયા પ્રતિ kWh હતી. આ કારણે મોટા ભાગના ઇલેક્ટ્રિક વાહનો 25,000 રૂપિયાથી લઈને 35,000 રૂપિયા સુધી મોંઘા થઈ શકે છે.

આરબીઆઈ અભિયાન

1 જૂનથી, રિઝર્વ બેંક ઓફ ઈન્ડિયા દેશની બેંકોમાં જમા કરાયેલા દાવા વગરની રકમની પતાવટ કરવા માટે એક અભિયાન શરૂ કરવા જઈ રહ્યું છે. અભિયાનનું નામ ‘100 દિવસ 100 ચૂકવણી’ રાખવામાં આવ્યું છે. રિઝર્વ બેંકે આ અંગે બેંકોને જાણ કરી છે. આ ઝુંબેશ હેઠળ 100 દિવસમાં 100 દાવા વગરની રકમનું સમાધાન કરવામાં આવશે.

આ પણ વાંચો… Moong Dal Health Benefits: મગની દાળમાં છુપાયેલા છે અદ્ભૂત ફાયદાઓ, આ રોગોથી મળી જશે છૂટકારો

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો