FASTag વાર્ષિક પાસ; 15 ઓગસ્ટથી શરૂ
FASTag વાર્ષિક પાસ: હવે મુસાફરી વધુ સરળ અને સસ્તી!
NHAIનો હેતુ વાહનચાલકોને ટોલ પ્લાઝા પર થતા ખર્ચમાંથી રાહત આપવાનો
નવી દિલ્હી, 11 ઓગસ્ટ: FASTag: નવી માર્ગ પરિવહન અને રાજમાર્ગ મંત્રાલય (MoRTH) અને રાષ્ટ્રીય ધોરીમાર્ગ સત્તામંડળ (NHAI) દ્વારા જાહેર જનતા માટે નવી FASTag વાર્ષિક પાસ યોજના શરૂ કરવામાં આવી છે. આ યોજનાનો મુખ્ય ઉદ્દેશ્ય વાહનચાલકોને ટોલ પ્લાઝા પર થતા ખર્ચમાંથી રાહત આપવાનો છે.
યોજનાની મુખ્ય વિગતો આ મુજબ છે:
FAQની વિગતો :
- FASTag: લોન્ચ તારીખ: 15 ઓગસ્ટ 2025
- કિંમત: માત્ર ₹3,000
- માન્યતા: 1 વર્ષ અથવા 200 ટ્રિપ્સ (જે વહેલું હોય તે)
- પાત્રતા: ફક્ત બિન-વાણિજ્યિક ખાનગી વાહનો (કાર/જીપ/વાન) માટે
- કવરેજ: રાષ્ટ્રીય ધોરીમાર્ગ (NH) અને રાષ્ટ્રીય એક્સપ્રેસવે (NE) ફી પ્લાઝા પર માન્ય. રાજ્ય ધોરીમાર્ગો અથવા સ્થાનિક સંસ્થા સંચાલિત પ્લાઝા પર, સામાન્ય FASTag શુલ્ક લાગુ થશે.
- ખરીદી પદ્ધતિ: પાત્રતા ચકાસણી પછી ફક્ત હાઇવેયાત્રા મોબાઇલ એપ્લિકેશન અને NHAI વેબસાઇટ દ્વારા ઉપલબ્ધ.
મુખ્ય નોંધો:
- હાલના FASTag ધારકોને પાત્રતા આવશ્યકતાઓને પૂર્ણ કરતા હોય તો નવો FASTag ખરીદવાની જરૂર નથી.
- FASTag રજિસ્ટર્ડ વાહનના વિન્ડશિલ્ડ પર યોગ્ય રીતે લગાવવો આવશ્યક છે.
- વાણિજ્યિક વાહનો માટે લાગુ પડતું નથી – જો દુરુપયોગ થાય તો તરત જ નિષ્ક્રિય કરવામાં આવશે.
- વપરાશકર્તાઓ 200 ટ્રિપ્સ પૂર્ણ કર્યા પછી વાર્ષિક પાસ ફરીથી ખરીદી શકે છે, ભલે એક વર્ષનો સમયગાળો પૂર્ણ ન થયો હોય.
વધુમાં, કાર્યક્રમ અમલીકરણ એકમ (પ્રોગ્રામ ઈમ્પ્લીમેન્ટેશન યુનિટ – PIU) ભાવનગરના અધિકારક્ષેત્રમાં, છ ટોલ પ્લાઝા – ભાડભીડ, કોબાડી, રોહિસા, નાગેશ્રી, વેલ્વા અને સુંદરપરા – હાલમાં આ માળખા હેઠળ કાર્યરત હોવાનું પ્રોજેક્ટ ડાયરેક્ટરે જણાવ્યું છે.