RPF Rajkot Lost Property Recovery: RPF રાજકોટે ₹4.60 લાખનું ખોવાયેલું સામાન પરત કર્યું

RPF Rajkot Lost Property Recovery: જૂન મહિનામાં RPF રાજકોટ મંડળે મુસાફરોને ₹4.60 લાખનું ખોવાયેલું સામાન પરત આપ્યું અને 25 ચેઇન પુલિંગ કરનારાઓ સામે કાર્યવાહી કરી.

રાજકોટ, 03 જુલાઈ: RPF Rajkot Lost Property Recovery: ‘સેવા હી સંકલ્પ’ અભિયાન હેઠળ મુસાફરોને મળી રાહત, બાળકોને પરિવાર સાથે મિલાવ્યા અને સુરક્ષિત રેલ સંચાલન સુનિશ્ચિત કર્યું

પશ્ચિમ રેલવેના રાજકોટ ડિવિઝનનું રેલવે સુરક્ષા બળ (RPF) મુસાફરોની (RPF Rajkot Lost Property Recovery) સુરક્ષા, સલામતી અને સેવાના ક્ષેત્રમાં સતત નોંધપાત્ર કામગીરી કરી રહ્યું છે. આઈજી-સહ-પ્રધાન મુખ્ય સુરક્ષા કમિશનર (પશ્ચિમ રેલવે) અજય સદાનીના કુશળ નેતૃત્વ તથા ડિવિઝન સુરક્ષા કમિશનર (રાજકોટ) કમલેશ્વર સિંહના માર્ગદર્શન અને દેખરેખ હેઠળ આરપીએફ રાજકોટ ડિવિઝન દ્વારા જૂન 2026 દરમિયાન “સેવા હી સંકલ્પ” અભિયાન અંતર્ગત રેલવે પરિસર, રેલ મુસાફરો તથા રેલવે સંપત્તિઓની સુરક્ષા સુનિશ્ચિત કરવા માટે અનેક નોંધપાત્ર સિદ્ધિઓ હાંસલ કરીને મુસાફર સુરક્ષા અને સેવાના ક્ષેત્રમાં નવો આદર્શ સ્થાપિત કર્યો છે.

રાજકોટ ડિવિઝનના સીનિયર ડિવિઝનલ કોમર્શિયલ મેનેજર સુનીલ કુમાર મીનાના જણાવ્યા અનુસાર, ડિવિઝનમાં ચલાવવામાં આવેલા વિવિધ અભિયાનો અંતર્ગત આરપીએફ દ્વારા મુસાફરોની સહાયતા, કાયદો અને વ્યવસ્થા જાળવી રાખવા તથા સુરક્ષિત અને અવરોધ વિનાનું રેલ સંચાલન સુનિશ્ચિત કરવાની દિશામાં અસરકારક કાર્યવાહી કરવામાં આવી હતી. જૂન 2026 દરમિયાન મુખ્ય સિદ્ધિઓ નીચે મુજબ રહી:

• ઓપરેશન અમાનત: “ઓપરેશન અમાનત” અંતર્ગત આરપીએફ દ્વારા સેવા અને સંવેદનશીલતાનો પરિચય આપતા વિવિધ રેલવે સ્ટેશનો અને ટ્રેનોમાં મુસાફરો દ્વારા ભૂલથી છૂટી ગયેલા ₹4.60 લાખની કિંમતના સામાનને સુરક્ષિત રીતે રિકવર કરીને 27 મુસાફરોને તેમનો ગુમ થયેલો સામાન સુરક્ષિત રીતે પરત કરવામાં આવ્યો.
• ઓપરેશન નન્હે ફરિશ્તે: “ઓપરેશન નન્હે ફરિશ્તે” હેઠળ આરપીએફ દ્વારા બે બાળકોને સુરક્ષિત આશ્રય/સંરક્ષણ પૂરું પાડીને તેમને તેમના પરિવાર સાથે મિલાવવાનું પ્રશંસનીય કાર્ય કરવામાં આવ્યું, જેનાથી સંબંધિત પરિવારોને મોટી રાહત મળી.
• ઓપરેશન ઉપલબ્ધ: રેલવે ટિકિટોના કાળાબજાર પર અંકુશ લગાવવાના ઉદ્દેશ્યથી ચલાવવામાં આવી રહેલા “ઓપરેશન ઉપલબ્ધ” હેઠળ રાજકોટ ડિવિઝનના અધિકારક્ષેત્રમાં એક વ્યક્તિને રેલવે ટિકિટોના ગેરકાયદેસર વેચાણમાં સંડોવાયેલો ઝડપી પાડવામાં આવ્યો અને તેની સામે જરૂરી કાનૂની કાર્યવાહી કરવામાં આવી.
• ઓપરેશન સમય પાલન: રેલ સંચાલનને ખોરવતા તત્વો અને પ્રવૃત્તિઓ સામે ચલાવવામાં આવેલા “ઓપરેશન સમય પાલન” હેઠળ અનધિકૃત ચેન પુલિંગના 31 કેસ નોંધવામાં આવ્યા અને 25 વ્યક્તિઓ સામે રેલવે અધિનિયમ હેઠળ જરૂરી કાનૂની કાર્યવાહી કરવામાં આવી.
• ઓપરેશન જનજાગરણ: મુસાફરો અને સામાન્ય નાગરિકોને જાગૃત કરવાના ઉદ્દેશ્યથી આરપીએફ દ્વારા “ઓપરેશન જનજાગરણ” અંતર્ગત વ્યાપક અભિયાન ચલાવવામાં આવ્યું. આ અંતર્ગત આરપીએફ પોસ્ટ્સ અને ચોકીઓ પર બેનરો પ્રદર્શિત કરવામાં આવ્યા, પબ્લિક એડ્રેસ સિસ્ટમ (PA સિસ્ટમ) દ્વારા સંદેશાઓ પ્રસારિત કરવામાં આવ્યા તેમજ ગામના સરપંચો અને સ્થાનિક જનપ્રતિનિધિઓ સાથે બેઠકો યોજીને રેલવે લાઈન ક્રોસ ન કરવા, ટ્રેનો પર પથ્થરમારો ટાળવા, નશાખોરીના દુષ્પરિણામો, મહિલા સુરક્ષા અને માનવ તસ્કરી જેવા વિષયો પર જાગૃતિ કાર્યક્રમો આયોજિત કરવામાં આવ્યા.

આ પણ વાંચો:- Mobile Forensic Van Gujarat: 37 હજારથી વધુ ક્રાઇમ સીન પર પહોંચી મોબાઈલ ફોરેન્સિક વેન

આ અભિયાનોના માધ્યમથી આરપીએફ દ્વારા રેલવે સુરક્ષા પ્રત્યે જનભાગીદારી વધારવા અને સુરક્ષિત રેલ મુસાફરી પ્રત્યે જાગૃતિ કેળવવાનો સતત પ્રયાસ કરવામાં આવી રહ્યો છે.

આ પ્રસંગે રાજકોટ ડિવિઝનના ડિવિઝન રેલ પ્રબંધક શ્રી ગિરિરાજ કુમાર મીનાએ જણાવ્યું હતું કે, “રાજકોટ ડિવિઝનની આરપીએફ ટીમ સુરક્ષા, સેવા અને સંવેદનશીલતાના મૂળ મંત્ર સાથે કાર્ય કરીને મુસાફરોનો વિશ્વાસ સતત મજબૂત કરી રહી છે. મુસાફરોની સુરક્ષા અને અવિરત રેલ સંચાલન સુનિશ્ચિત કરવું એ અમારી સર્વોચ્ચ અગ્રતા છે.”
જૂન મહિના દરમિયાન આરપીએફ રાજકોટ ડિવિઝને સેવા, સુરક્ષા અને જનજાગૃતિના ક્ષેત્રમાં બહુઆયામી કામગીરી કરીને મુસાફરો વચ્ચે સુરક્ષા અને વિશ્વાસની ભાવનાને વધુ મજબૂત બનાવી છે.