Kamal haasan covid postive: કમલ હસન આવ્યા કોરોના પોઝિટિવ, અભિનેતાએ કહ્યું- હજી મહામારી ખતમ નથી થઇ

Kamal haasan covid postive: કમલે પોતે પણ આ અંગે નિવેદન આપ્યું છે અને સાથે જ પોતે આઈસોલેશનમાં હોવાની માહિતી આપી છે

બોલિવુડ ડેસ્ક, 22 નવેમ્બરઃ Kamal haasan covid postive: અભિનેતામાંથી નેતા બનેલા કમલ હાસન કોરોના સંક્રમિત આવ્યા છે. જાણવા મળ્યા મુજબ યુએસ ટ્રીપથી પરત આવેલા કમલ હાસનને હળવી ખાંસી હતી. ત્યાર બાદ તેમણે રિપોર્ટ કરાવ્યો હતો જેમાં તેઓ કોવિડ પોઝિટિવ આવ્યા. કમલની ટીમ દ્વારા આ વાતની પૃષ્ટિ કરવામાં આવી છે. કમલે પોતે પણ આ અંગે નિવેદન આપ્યું છે અને સાથે જ પોતે આઈસોલેશનમાં હોવાની માહિતી આપી છે. 

કમલ હાસને આ અંગે પોતાના ટ્વિટર એકાઉન્ટ પર લખ્યું હતું કે, ‘યુએસ ટ્રીપથી પરત આવ્યા બાદ મને થોડી ખાંસી હતી. ટેસ્ટ કરાવ્યો તો ખબર પડી કે મને કોરોના થઈ ગયો છે. હું આઈસોલેશનમાં છું. હવે સમજાઈ રહ્યું છે કે, મહામારી હજુ ખતમ નથી થઈ. હું વિનંતી કરૂ છું કે, તમે સૌ સુરક્ષિત રહો.’

કમલ હાસનની આ ટ્વિટના જવાબમાં તેમના ચાહકોએ તેઓ જલ્દી સાજા થઈ જાય તેવી પ્રાર્થના કરી રહ્યા હોવાનું લખ્યું હતું. જ્યારે કેટલાક લોકોને એ પણ જાણવું હતું કે, કમલ હાસન બીમાર થઈ ગયા છે તો બિગ બોસને કોણ હોસ્ટ કરશે. ઉલ્લેખનીય છે કે, કમલ હાસન એક દિગ્ગજ કલાકાર છે અને તેમણે સાઉથ સિનેમા ઉપરાંત બોલિવુડમાં પણ ઓળખ બનાવી છે. તે સિવાય તેઓ ભારતીય રાજકારણનો પણ મોટો ચહેરો છે. 

આ પણ વાંચોઃ courtney rogers: આ મહિલા લગ્ન બાદ દર વર્ષે થાય ગર્ભવતી, આવતા વર્ષે માર્ચ મહિનામાં 12માં બાળકને આપશે જન્મ