Shraddha Kapoor’s Brother Arrested in drug case: હોટલમાં થઇ રેવ પાર્ટી, અભિનેત્રી શ્રદ્ધા કપૂરના ભાઇની થઇ ધરપકડ- ટેસ્ટમાં ડ્રગ્સ લેવાનું સાબિત થયું
Shraddha Kapoor’s Brother Arrested in drug case: આ પાર્ટીમાં સિંદ્ધાત સહિત 6 લોકોમાં શામેલ છે જે ડ્રગ્સ લઈ રહ્યા હતા
બોલિવુડ ડેસ્ક, 13 જૂનઃShraddha Kapoor’s Brother Arrested in drug case: બૉલીવુડ એક્ટ્રેસ શ્રદ્ધા કપૂરના ભાઈ સિદ્ધાંત કપૂરની પોલીસએ ધરપકડ કરી છે. આ વાતની જાણકારી બેંગલુરૂ પોલીસએ આપી છે. તેણે જણાવ્યુ કે સિદ્દાંતને ગઈ રાત્રે બેંગલુરૂના હોટલમાં રેવ પાર્ટી પર રેડના દરમિયાન પકડાયો છે. અને કથિત રૂપે આ 6 લોકોમાં શામેલ છે જે ડ્રગ્સ લઈ રહ્યા હતા.
પ્રાપ્ત માહિતી અનુસાર, પોલીસે બાતમીના આધારે એમજી રોડ પરની એક હોટલમાં દરોડા પાડ્યા હતા, જ્યાં પાર્ટીનું આયોજન કરવામાં આવ્યું હતું. આ દરમિયાન પોલીસે ડ્રગ્સ સેવનના શંકાસ્પદ લોકોના સેમ્પલ મોકલ્યા હતા. તપાસમાં પોઝિટિવ મળી આવેલા છ લોકોમાં શ્રદ્ધા કપૂરના ભાઈના સેમ્પલનો પણ સમાવેશ કરવામાં આવ્યો હતો. આ કેસમાં પોલીસે કહ્યું કે તે સ્પષ્ટ નથી કે તેણે ડ્રગ્સનું સેવન પાર્ટીમાં આવીને કર્યું કે હોટલમાં કર્યું.
ઉલ્લેખનીય છે કે, સુશાંત સિંહ રાજપૂતના નિધન બાદ એક બાદ એક બોલિવૂડ સેલેબ્સના નામ ડ્રગ્સ કેસમાં સામે આવી રહ્યા છે. આ વચ્ચે બોલિવૂડ એક્ટ્રેસ શ્રદ્ધા કપૂરના ભાઈ સિદ્ધાંત કપૂર પર ડ્રગ્સનો લેવાનો આરોપ છે. જે બાદ તેને પોલીસ કસ્ટડીમાં લેવામાં આવ્યો છે.