Breaking news from Patna: નીતિશ કુમારનું ફરમાન; ધારાસભ્યોએ આગામી 72 કલાક સુધી પટનાની બહાર ન જવું
Breaking news from Patna: નીતિશ કુમારના આ ફરમાનથી બિહારની રાજનીતિમાં હલચલ મચી ગઈ છે
પટના, 23 મે: Breaking news from Patna: મુખ્યમંત્રી નીતિશ કુમાર તેમની પાર્ટીના ધારાસભ્યો સાથે અવારનવાર બેઠકો કરી રહ્યા છે. તેમણે પોતાના ધારાસભ્યોને આગામી 72 કલાક સુધી પટનાની બહાર ન જવા કહ્યું છે. આનાથી બિહારના રાજકારણમાં હલચલ વધી ગઈ છે. સવાલ એ ઉઠી રહ્યો છે કે શું નીતીશ કુમાર આગામી 72 કલાકમાં કંઈક મોટું કરવા જઈ રહ્યા છે?
બિહારના રાજકારણમાં જબરદસ્ત હલચલ મચી ગઈ છે. એક તરફ લાલુ યાદવની પાર્ટી રાષ્ટ્રીય જનતા દળ (RJD)એ ભારતીય જનતા પાર્ટી (BJP) અને કેન્દ્ર સરકાર વિરુદ્ધ પોસ્ટર વોર છેડ્યું છે. બીજી તરફ, નીતીશ કુમાર, જેઓ હવે રાજ્યમાં ભાજપ સાથે ગઠબંધન સરકાર ચલાવી રહ્યા છે, તેમણે તેમની પાર્ટી જનતા દળ યુનાઈટેડ (JDU) ના ધારાસભ્યોને આગામી 72 કલાક સુધી પટનામાં રહેવા માટેનો આદેશ જારી કર્યો છે. સીએમ નીતિશના આદેશ બાદ રાજકીય હલચલ મચી ગઈ છે. બિહારની રાજનીતિ માટે આગામી 72 કલાક ખૂબ મહત્વના હોવાનું કહેવાય છે.
Breaking news from Patna: મળતી માહિતી મુજબ, મુખ્યમંત્રી નીતિશ કુમાર પોતાની પાર્ટીના નેતાઓ અને ધારાસભ્યો સાથે અવારનવાર બેઠકો કરી રહ્યા છે. સીએમ નીતિશની સક્રિયતાને જોતા રાજ્યમાં રાજકીય ઉથલપાથલની ચર્ચાએ પણ જોર પકડ્યું છે. શું નીતિશ કુમાર ભાજપથી અલગ થઈને ફરી એકવાર આરજેડી સાથે સરકાર બનાવવાનું વિચારી રહ્યા છે? માનવામાં આવે છે કે આ તમામ સવાલોના જવાબ આગામી 72 કલાકમાં મળી શકે છે. રાજ્યનું રાજકારણ કોની તરફ બેસે છે, તે આગામી 72 કલાકમાં નક્કી થશે.
