Hemant Soren Missing: ઝારખંડના મુખ્યમંત્રી હેમંત સોરેન ગુમ, EDનું સર્ચ ઓપરેશન જારી
Hemant Soren Missing: ઈડીની પૂછપરછથી બચવા માટે કોઈ મુખ્યમંત્રીએ છુપાઈ જવું પડ્યું હોય તેવું કદાચ ઈતિહાસમાં પહેલીવાર બન્યું
રાંચી, 30 જાન્યુઆરીઃ Hemant Soren Missing: ઝારખંડના મુખ્યમંત્રી હેમંત સોરેનને લઈને મોટા સમાચાર સામે આવી રહ્યા છે. એવું કહેવામાં આવી રહ્યું છે કે હેમંત સોરેન EDની પૂછપરછથી બચવા માટે ક્યાંક છુપાઈ ગયો છે. એન્ફોર્સમેન્ટ ડિરેક્ટોરેટની ટીમે ગઈકાલે દિલ્હીમાં મુખ્યમંત્રીના ઘર સહિત 3 સ્થળો પર દરોડા પાડ્યા હતા, જે મોડી રાત સુધી ચાલુ રહ્યા હતા. જો કે આ સમયગાળા દરમિયાન EDની ટીમને હેમંત સોરેન મળ્યા ન હતા.
ખબર છે કે ઝારખંડના મુખ્યમંત્રી મની લોન્ડરિંગ કેસમાં ખરાબ રીતે ફસાયા છે. મળેલ માહિતી મુજબ, જ્યારે હેમંત સોરેન મળ્યા ન હતા, ત્યારે EDની ટીમ તેમની BMW કારને બહાર નીકળતી વખતે પોતાની સાથે લઈ ગઈ હતી. EDની ટીમે હેમંત સોરેનને લઈને એરપોર્ટ પર એલર્ટ પણ મોકલી દીધું છે.
દરમિયાન, શાસક પક્ષના ધારાસભ્યોને તેમની બેગ અને સામાન સાથે રાંચીમાં એક જગ્યાએ ભેગા થવા માટે કહેવામાં આવ્યું છે. ઈડીની પૂછપરછથી બચવા માટે કોઈ મુખ્યમંત્રીએ છુપાઈ જવું પડ્યું હોય તેવું કદાચ ઈતિહાસમાં પહેલીવાર બન્યું છે.
આ પણ વાંચો… SIMI: કેન્દ્ર સરકારે સ્ટુડન્ટ્સ ઈસ્લામિક મૂવમેન્ટ ઓફ ઈન્ડિયા વિરુદ્ધ મોટી કાર્યવાહી કરી
