Halvad Wall Collapsed: હળવદ GIDCમાં મીઠાના કારખાનાની દીવાલ ધસી પડતાં 12 મજૂરોના મોત, કેટલાક દટાઇ ગયા- મૃતકઆંક ઉંચો જવાની આશંકા
Halvad Wall Collapsed: 30 શ્રમિક દીવાલ નીચે દબાયા હોવાની આશંકા
મોરબી, 18 મેઃ Halvad Wall Collapsed: હળવદ GIDC ખાતે આવેલા સાગર સોલ્ટ નામના મીઠાના પેકેજિંગ કારખાનામાં એક ભારે મોટી દુર્ઘટના બની છે. રાબેતા મુજબ મીઠાની કોઠળીઓ ભરવાની કામગીરી ચાલી રહી હતી તે સમયે અચાનક જ કારખાનાની દીવાલ ધસી પડવાના કારણે 12 મજૂરોના મોત થયા છે અને તે સિવાય 15થી વધારે મજૂરો દીવાલ નીચે દટાયા છે.
બપોરના સમયે બનેલી આ દુર્ઘટના બાદ તાત્કાલિક બચાવ કામગીરી હાથ ધરવામાં આવી હતી. દીવાલ નીચે દટાયેલા શ્રમિકોને બચાવવા માટે હિટાચી અને જેસીબીની મદદથી કામગીરી હાથ ધરવામાં આવી હતી.
દીવાલ નીચે હજું વધારે શ્રમિકો દટાયા હોવાની આશંકા વ્યક્ત કરવામાં આવી રહી છે અને સાથે જ મૃતકઆંક હજુ વધારે ઉંચો જાય તેવી શક્યતા જણાઈ રહી છે.
આ દુર્ઘટના અંગે જાણ થયા બાદ સ્થાનિક ધારાસભ્ય પરસોત્તમ સાબરિયા પણ ઘટના સ્થળે દોડી ગયા હતા.
