Love Jihad Case in Ahmedabad: લવ જેહાદના કારણે ઈસનપુરના બે વિધર્મીઓની થઈ ધરપકડ, વાંચો શું છે સમગ્ર મામલો…

Love Jihad Case in Ahmedabad: એક જ દિવસમાં બે લવ જેહાદની ઘટનાઓ સામે આવતાં લોકોમાં રોષ જોવા મળી રહ્યો છે

અમદાવાદ, 04 ઓગસ્ટઃ Love Jihad Case in Ahmedabad: ગુજરાતમાં ઘણા સમયથી લવજેહાદના કિસ્સાઓ સામે આવી રહ્યાં છે. સરકાર લવ જેહાદ સામે અનેક વખત કડક પગલાં લેવાની વાતો કરે છે પરંતુ આવી ઘટનાઓ વારંવાર પ્રકાશમાં આવી રહી છે. અમદાવાદ શહેરના ઈસનપુર વિસ્તારમાં એક જ દિવસમાં બે લવ જેહાદની ઘટનાઓ સામે આવતાં લોકોમાં રોષ જોવા મળી રહ્યો છે.

શહેરમાં ઈલિયાસ નામના વિધર્મી યુવકે યશ નામથી ઓળખ આપીને 16 વર્ષની યુવતીને પ્રેમ જાળમાં ફસાવી હતી. ત્યાર બાદ તેની સાથે અનેક વખત દુષ્કર્મ આચર્યું હતું. આ મામલે પોલીસ ફરિયાદ નોંધાતા પોલીસે પોક્સો સહિતની કલમો લગાડીને તેની ધરપકડ કરી લીધી છે.

જ્યારે બીજા કેસમાં ઈસનપુર વિસ્તારમાં વધુ એક વિધર્મી યુવકે હિન્દુ યુવતી સાથે દુષ્કર્મ આચરીને તેની સાથે મારઝૂડ કરી હતી. આ મામલે પણ પોલીસે વિધર્મી યુવકની ધરપકડ કરીને વધુ કાર્યવાહી હાથ ધરી છે.

વિધર્મીએ યશ બનીને યુવતીને પ્રેમજાળમાં ફસાવી

ઈસનપુર વિસ્તારમાં રહેતી 16 વર્ષીય સગીરા એક દુકાનમાં ત્રણ મહિનાથી નોકરી કરતી હતી. આ દુકાનમાં સુનિલ અને ઈલિયાસ નામના બે યુવકો માલિક છે. જેમાં ઈલિયાસે યશ નામ જણાવીને યુવતીને પ્રેમ જાળમાં ફસાવી હતી. અને ત્યાર બાદ તેના પર દુષ્કર્મ આચર્યું હતું અને સગીરાને જ્યારે યુવકનું અસલી નામ ઈલિયાસ હોવાની જાણ થઈ ત્યારે તેને આ સમગ્ર હકીકત તેની માતાને જણાવી હતી. જેથી માતાએ ઈસનપુર પોલીસ સ્ટેશન પહોંચી પોલીસને સમગ્ર હકીકત જણાવી ઈલિયાસ સામે ફરિયાદ નોંધાવી હતી.

પોલીસ જ્યારે આ મામલાની તપાસ કરતી હતી. તે જ દરમિયાન વધુ એક લવજેહાદની ઘટના સામે આવી હતી. મણિનગર વિસ્તારમાં રહેતી એક છોકરી CAનો અભ્યાસ કરે છે. આ છોકરી જ્યારે સ્કૂલમાં ભણતી હતી ત્યારે તેની સાથે તાઝિમ નામનો વિધર્મી યુવક ભણતો હતો. આ યુવક અને હિન્દુ યુવતી સાથે મિત્રતા થઈ હતી.

આ વિધર્મી યુવક સ્કૂલમાં પણ યુવતીને હેરાન કરતો હતો. જેની અનેક વખત યુવતીએ સ્કૂલમાં ફરિયાદ કરી હતી. જેથી સ્કૂલ દ્વારા આ તાજિમ નામના યુવકને સ્કૂલમાંથી રસ્ટીકેટ કરી દીધો હતો. પરંતુ ત્યાર બાદ આ વિધર્મી યુવક વધારે પડતો બેફામ બન્યો હતો અને યુવતીને હેરાન કરવા માંડ્યો હતો.

તેણે આ યુવતીને ધાકધમકી આપીને જબરદસ્તીથી દુષ્કર્મ આચર્યું હતું. તેને મળવા બોલાવીને તેની પાસેથી ફોન પણ લઈ લીધો હતો. ત્યાર બાદ યુવતીને તેણે માર માર્યો હતો. એક વખત યુવતીને યુવકને ઈસનપુર બોલાવીને પોતાના માતા પિતાને પણ બોલાવ્યા હતાં. જ્યાં આ વિધર્મીએ યુવતીના માતા પિતાને પણ માર માર્યો હતો.

ઘટના બનતાં જ લોકોના ટોળા ઉભરાયા હતાં અને વિધર્મી યુવકને બરાબરનો મેથીપાક ચખાડ્યો હતો. ઈસનપુર પોલીસ આ સમયે ઉપરોક્ત લવજેહાદ અંગે તપાસ કરતી હતી. ત્યારે આ બનાવ બનતાં પોલીસ પણ યુવકને છોડાવા માટે પહોંચી હતી. પરંતુ વિફરેલા ટોળાએ પોલીસને પણ ટપલીદાવ કર્યો હોવાનો વીડિયો હાલમાં ફરતો થયો છે.

પોલીસે આ ઘટનામાં પણ યુવકની ધરપકડ કરીને દુષ્કર્મ, જાતિય સતામણી સહિતની કલમો લગાડીને ગુનો નોંધી યુવકની ધરપકડ કરી હતી.

આ પણ વાંચો… Pustak Mela: નવભારત સાહિત્ય મંદિર દ્વારા ‘કલમનો કાર્નિવલ’ પુસ્તક મેળાનું આયોજન

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો