Netherlands team WC Qualifiers 2023: 12 વર્ષ બાદ પ્રથમ વખત ODI વર્લ્ડ કપ રમશે આ ટીમ, કર્યું ક્વોલિફાય…
Netherlands team WC Qualifiers 2023: નેધરલેન્ડ્સ ભારતમાં યોજાનાર ODI વર્લ્ડ કપ 2023માં પહોંચનારી દસમી અને છેલ્લી ટીમ બની
ખેલ ડેસ્ક, 07 જુલાઈઃ Netherlands team WC Qualifiers 2023: નેધરલેન્ડની ક્રિકેટ ટીમ 12 વર્ષ બાદ પ્રથમ વખત ODI વર્લ્ડ કપ માટે ક્વોલિફાય થઈ છે. નેધરલેન્ડ્સ ભારતમાં યોજાનાર ODI વર્લ્ડ કપ 2023માં પહોંચનારી દસમી અને છેલ્લી ટીમ બની ગઈ છે.
ICC વર્લ્ડ કપ ક્વોલિફાયર સુપર 6 ટૂર્નામેન્ટની 8મી મેચ નેધરલેન્ડ vs સ્કોટલેન્ડ વચ્ચે રમાઈ હતી. જે ટીમ આ મેચ જીતશે તે વર્લ્ડ કપ માટે ક્વોલિફાય થશે. તેથી આ મેચ બંને ટીમો માટે મહત્વની હતી. જો કે, નેધરલેન્ડ્સ 2011 પછી સ્કોટલેન્ડ સામે 4 વિકેટથી જીત મેળવીને વર્લ્ડ કપમાં સ્થાન નિશ્ચિત કરવામાં સફળ રહ્યું.
નેધરલેન્ડ્સ પાંચમી વખત વર્લ્ડ કપ રમશે
આ પાંચમી વખત છે જ્યારે નેધરલેન્ડ વર્લ્ડ કપમાં પહોંચ્યું છે. નેધરલેન્ડ આ પહેલા 1996, 2003, 2007 અને 2011માં વર્લ્ડ કપ માટે ક્વોલિફાય થયું હતું.
મેચમાં શું થયું…
નેધરલેન્ડે ટોસ જીતીને સ્કોટલેન્ડને બેટિંગ કરવાની ફરજ પાડી હતી. સ્કોટલેન્ડે નિર્ધારિત 50 ઓવરમાં 9 વિકેટ ગુમાવીને 277 રન બનાવ્યા હતા. જેથી નેધરલેન્ડને જીત માટે 278 રનનો પડકાર મળ્યો હતો. નેધરલેન્ડે 43 બોલ પહેલા 42.5 ઓવરમાં 6 વિકેટ ગુમાવીને આ જીતનો પડકાર પૂરો કર્યો હતો.
બાસ ડી લીડે નેધરલેન્ડની જીતનો આર્કિટેક્ટ બન્યો. લીડે પ્રથમ 5 વિકેટ લીધી હતી. ત્યારબાદ તેણે 278 રનનો પીછો કરતા 92 બોલમાં 123 રનની સદી ફટકારી હતી. ઓપનર વિક્રમજીત સિંહે 40 રનની મહત્વની ઇનિંગ રમી હતી.
શ્રીલંકા 9મી અને નેધરલેન્ડ 10મી ટીમ છે
નેધરલેન્ડ પહેલા શ્રીલંકાએ ઝિમ્બાબ્વેને હરાવ્યું હતું. આ સાથે જ શ્રીલંકા વર્લ્ડ કપ માટે ક્વોલિફાય થનારી નવમી ટીમ બની છે. શ્રીલંકા ICC વર્લ્ડ કપ ક્વોલિફાયરના ગ્રુપ 2 માં હતું. તેથી, શ્રીલંકા ક્વોલિફાયર 2 (Q2) ટીમ છે. હવે નેધરલેન્ડે ગ્રુપ 1માંથી વર્લ્ડ કપ માટે ક્વોલિફાય કર્યું છે. તો નેધરલેન્ડ (Q1) ટીમ છે.
ODI વર્લ્ડ કપ ટુર્નામેન્ટમાં 10 ટીમો રમી રહી છે
ટીમ ઈન્ડિયા, ન્યુઝીલેન્ડ, પાકિસ્તાન, ઓસ્ટ્રેલિયા, દક્ષિણ આફ્રિકા, અફઘાનિસ્તાન, બાંગ્લાદેશ, ઈંગ્લેન્ડ, શ્રીલંકા (Q2) અને નેધરલેન્ડ (Q1)
આ પણ વાંચો… Chandrayaan-3: ભારતીયો માટે મોટા સમાચાર, ચંદ્રયાન-3 ‘આ’ દિવસે અવકાશમાં લોન્ચ થશે
