Corona test drive: આજથી અમદાવાદમાં કોરોના ટેસ્ટની સૌથી મોટી ડ્રાઈવ, આ રીતે કરાવી શકશો કોવિડ ટેસ્ટ
Corona test drive: પોતાના વાહનમાં જ બેસીને વ્યક્તિ કરાવી શકશે પોતાનો કોરોના ટેસ્ટ
અમદાવાદ, 14 એપ્રિલઃ સતત વધતા કેસોને લઇ તંત્રની ચિંતામાં વધારો થયો છે. AMCએ શહેરમાં RTPCR ટેસ્ટ વધારવા અનોખી પહેલ કરાઈ છે. આજે સવારે 8 વાગ્યાથી GMDC ગ્રાઉન્ડ ખાતે RTPCR ટેસ્ટ ડ્રાઈવ(Corona test drive) શરુ કરવામાં આવનાર છે. AMC અને ન્યુબર્ગ સુપ્રાટેક લેબોરેટરી સાથે મળીને લોકોના ટેસ્ટિંગ કરાશે. જેમાં લોકો પોતાના વાહન(Corona test drive)માં બેસીને પણ RTPCR ટેસ્ટ કરાવી શકાશે. એટલુ જ નહિ, આ ટેસ્ટના રિપોર્ટ 24 થી 35 કલાકમાં મેઈલ કે વોટ્સઅપથી મળી શકશે.
તે સાથે જ અમદાવાદમાં કોરોના બેડ મામલે amc એ બીજો એક મહત્વનો નિર્ણય લીધો છે. અમદાવાદમાં ફરી એકવાર amc ક્વોટા સિસ્ટમ શરૂ થશે. જેમાં એમઓયુ (Mou) કરેલી હોસ્પિટલમાં 2 થી 20 ટકા બેડ મળી શકશે. જેમાં એએમસી ક્વોટા માટે રિઝર્વ રહેશે. જોકે, તેમાં ખાસ વાત એ છે કે આ બેડમાં 108 સેવા દ્વારા લવાયેલા દર્દીઓને જ માન્ય ગણાશે.
કોરોનાના વધતા સંક્રમણને અટકાવવા એપીએમસી અમદાવાદે પણ એક મોટો નિર્ણય લીધો છે. જે મુજબ શુક્રવાર સાંજે આઠ વાગ્યાથી રવિવાર સાંજે આઠ વાગ્યા સુધી જમાલપુર માર્કેટ બંધ રહેશે. એપીએમસી વાસણા માર્કેટ પણ શનિવાર અને રવિવાર બંધ રહેશે. કોરોનાના સંક્રમણની ચેન તોડવા માટે આ મહત્વનો નિર્ણય લેવાયો છે.
ઉલ્લેખનીય છે કે, શહેરમાં કોરોના કેસમાં અતિ મોટો ઉછાળો નોંધાયો છે. નવા માઈક્રો કન્ટાઇનમેન્ટ વિસ્તારમાં પણ અતિ મોટો વધારો જોવા મળ્યો છે. નવા 31 વિસ્તાર માઈક્રો કન્ટાઇનમેન્ટ જાહેર કરાયા છે. અગાઉના 17 વિસ્તારો દૂર કરવામાં આવ્યા છે. આ સાથે શહેરમાં માઇક્રો કન્ટાઇનમેન્ટ વિસ્તારની સંખ્યા 407 પર પહોંચી ગઈ છે.
આ પણ વાંચો…