Jio recharge plan: Jioનો ખાસ પ્લાન, એક રિચાર્જમાં ચાલશે ચાર લોકોના ફોન, જાણો…

Jio recharge plan: આ પ્લાન હેઠળ તમે બધા યુઝર્સ માટે માત્ર એક જ રિચાર્જ ખરીદી શકો છો

કામની ખબર, 31 ડિસેમ્બર: Jio recharge plan: તમને Jioના પોર્ટફોલિયોમાં ઘણા પ્લાનનો ઓપ્શન મળે છે. કંપની સસ્તા અને મોંઘા બંને પ્રકારના રિચાર્જ પ્લાન ઓફર કરે છે. જો તમારા પરિવારમાં 4 લોકો છે, તો કંપની પાસે ખૂબ જ ખાસ પ્લાન છે. આ પ્લાન હેઠળ, તમે બધા યુઝર્સ માટે માત્ર એક જ રિચાર્જ ખરીદી શકો છો.

એટલે કે Jio પાસે એવો ફેમિલી પ્લાન છે, જેમાં ચાર લોકોના ફોન કામ કરી શકે છે. આ રિચાર્જ પ્લાનમાં યુઝર્સને કોલિંગ, ડેટા, SMSની સાથે OTT બેનિફિટ્સ પણ મળે છે. આવો જાણીએ Jioના આ રિચાર્જ પ્લાનની વિગતો.

Jio નો ફેમિલી રિચાર્જ પ્લાન

જો તમને 4 લોકો માટે રિચાર્જ પ્લાન જોઈએ છે, તો તમે આને અજમાવી શકો છો. Jioનો આ પ્લાન પોસ્ટપેડ પોર્ટફોલિયોનો એક ભાગ છે. આ માટે યુઝર્સને બિલિંગ સાયકલમાં 999 રૂપિયા ખર્ચવા પડશે. આ રિચાર્જ પ્લાન સાથે યુઝર્સને 200GB ડેટા મળે છે.

ડેટા લિમિટ ખતમ થયા બાદ યુઝર્સને 10 રૂપિયા પ્રતિ જીબીના દરે ડેટા મળશે. આ પ્લાનમાં યુઝર્સને 500GB સુધીના ડેટા રોલઓવરની સુવિધા પણ મળે છે. એટલે કે યુઝર્સ તેમના બાકી રહેલા ડેટાનો ઉપયોગ આગામી મહિનામાં પણ કરી શકશે.

આ પ્લાનમાં મુખ્ય યુઝર સિવાય ત્રણ અન્ય કનેક્શનનો પણ ઉપયોગ કરી શકાય છે. ગ્રાહકોને દરરોજ અમર્યાદિત વૉઇસ કૉલિંગ અને 100 SMS મળે છે. Jio યુઝર્સ કે જેઓ પ્લાન ખરીદે છે તેઓ કંપનીની 5G સેવા માટે પાત્ર બનશે.

વધારાના ફાયદા પણ છે

Jioના આ રિચાર્જ પ્લાનમાં યુઝર્સને Netflix (મોબાઈલ પ્લાન)નું સબસ્ક્રિપ્શન મળે છે. આ સિવાય યુઝર્સ એમેઝોન પ્રાઇમનું સબસ્ક્રિપ્શન પણ મેળવી શકે છે. પ્લાનમાં યુઝર્સને એક વર્ષ માટે પ્રાઇમ વીડિયોની ઍક્સેસ પણ મળશે.

આની સાથે જ યુઝર્સને Jio એપ્સનો મફત એક્સેસ મળે છે. આ અંતર્ગત યુઝર્સને Jio Cinema, Jio TV, Jio Cloud અને Jio સિક્યુરિટી પણ મફતમાં મળશે.

આ પણ વાંચો: PM modi on Navdsari accident: વડાપ્રધાન નરેન્દ્ર મોદીએ નવસારી અકસ્માત અંગે સહાયતા રાશિની કરી જાહેરાત, વાંચો…