Actor Rasik dave passed away: જાણીતા અભિનેતા રસિક દવેનું મુંબઇમાં નિધન, કલાજગતમાં શોકની લાગણી
Actor Rasik dave passed away: રસીક દવે મુંબઈની એક હોસ્પિટલમાં બે વર્ષથી વધુ સમયથી ડાયાલિસિસ પર હતા
મુંબઇ, 30 જુલાઇઃ Actor Rasik dave passed away: જાણીતા અભિનેતા રસિક દવેએ આજે રાત્રે 8:00 વાગે મુંબઈમાં અંતિમ શ્વાસ લીધા હતા. તેઓ 65 વર્ષના હતા. ઇન્ડસ્ટ્રીમાં લોકો તેમને પ્રેમથી રસિકભાઇ કહીને બોલાવતા હતા. જાણવા મળ્યા મુજબ તેઓ મુંબઈની એક હોસ્પિટલમાં બે વર્ષથી વધુ સમયથી ડાયાલિસિસ પર હતા. તેમની બંને કિડની ફેલ થઈ ગઈ હતી. તમને દર અઠવાડિયે ત્રણ વખત હોસ્પિટલમાં ડાયાલિસિસ માટે જવું પડતું હતું, પરંતુ છેલ્લાં કેટલાક સમયથી તેમની તબિયત વધુ બગડી હતી અને હોસ્પિટલમાં તેમની સારવાર ચાલી રહી હતી. તેમના અંતિમ સંસ્કાર આવતી કાલે કરવામાં આવશે.
રસિકભાઇએ 1982માં આવેલી ગુજરાતી ફિલ્મ ‘પુત્રવધુ’થી પોતાની અભિનય કારકિર્દીની શરૂઆત કરી હતી. તેમણે ગુજરાતી અને હિન્દી જેવી બે અલગ અલગ ભાષાઓમાં કામ કર્યું હતું. તેઓ મહાભારત સીરિયલમાં નંદના પાત્ર માટે જાણીતા છે. તેમણે ઘણા ગુજરાતી નાટકો, ગુજરાતી ફિલ્મો, હિન્દી સિરિયલો તેમજ હિન્દી ફિલ્મોમાં અભિનય કર્યો છે. તેમણે પત્ની કેતકી દવે સાથે ડાન્સ રિયાલિટી શો ‘નચ બલિયે’ સિઝન-2 માં પણ ભાગ લીધો હતો. તેમણે અનેક ગુજરાતી નાટકો પણ બનાવ્યા છે. તેઓ સોની ટીવીના સૌથી લાંબા ચાલેલા શો એક મહેલ હો સપનો કામમાં જોવા મળ્યા હતા. આ શો સો એપિસોડ પૂરા કરનાર પ્રથમ હિન્દી શો હતો.
આ પણ વાંચોઃ New Health Warning on the tobacco packet: 1 લી ડિસેમ્બરથી તંબાકુ ઉત્પાદનો પર લખાશે નવી ચેતવણી- વાંચો વિગત
તેમના પત્ની કેતકી દવે પણ જાણીતા અભિનેત્રી છે, જેઓ ‘ક્યોં કી સાસ ભી કભી બહુ થી’ જેવી ટેલી સીરીયલ અને હિન્દી ફિલ્મ ‘કલ હો ના હો’માં સૈફ અલી ખાનની માતાની ભૂમિકા માટે જાણીતા છે. કેતકીના માતા સરિતા જોષી પણ પ્રખ્યાત અભિનેત્રી છે. તેમના પિતા સ્વ. પ્રવીણ જોષી થિયેટર ડિરેક્ટર હતા.
આ પ્રખ્યાત કપલને એક પુત્રી પણ છે જેનું નામ રિદ્ધિ દવે છે તે પણ માતા પિતાના પગલે ચાલીને જાણીતી અભિનેત્રી બનવા માંગે છે. દુઃખની આ ઘડીમાં મુંબઇ સમાચાર તેમના પરિવારની સાથે ઊભું છે અને ભગવાન તેમના આત્માને શાંતિ આપે એવી સહુ પ્રાર્થના કરીએ છીએ.
