Munawwar rana Health update: પ્રખ્યાત શાયર મુનવ્વર રાણાની તબિયત લથડી; આગામી 72 કલાક ખૂબ જ મહત્વપૂર્ણ

Munawwar rana Health update: મુનવ્વર રાણાને અપોલો હોસ્પિટલના આઈસીયુ વોર્ડમાં ખસેડવામાં આવ્યા

મનોરંજન ડેસ્ક, 25 મેઃ Munawwar rana Health update: પ્રખ્યાત શાયર મુનવ્વર રાણાની તબિયત બગડી છે જેના કારણે તેમને લખનૌની એપોલો હોસ્પિટલમાં દાખલ કરવામાં આવ્યા છે. મુનવ્વર રાણાને અપોલો હોસ્પિટલના આઈસીયુ વોર્ડમાં ખસેડવામાં આવ્યા છે અને વેન્ટિલેટર પર રાખવામાં આવ્યા છે. તેમની પુત્રી સુમૈયા રાણાએ વીડિયો જાહેર કરતા આ માહિતી આપી હતી. તેણે જણાવ્યું કે તેના પિતા મુન્નવર રાણાની તબિયત છેલ્લા કેટલાક દિવસોથી સારી ન હતી, જેના કારણે તેને લખનૌની અપોલો હોસ્પિટલમાં દાખલ કરવામાં આવ્યા હતા.

આગામી 72 કલાક મુન્નવર રાણા માટે ખૂબ જ મહત્વપૂર્ણ છે

રાણાની પુત્રી અને સપા નેતા સુમૈયા રાણાએ જણાવ્યું કે તેમના પિતાની તબિયત છેલ્લા બે-ત્રણ દિવસથી ખરાબ છે અને તેમને ડાયાલિસિસ દરમિયાન પેટમાં દુખાવો થતો હતો, જેના કારણે ડૉક્ટરે તેમને દાખલ કર્યા હતા. સીટી સ્કેનમાં જાણવા મળ્યું કે તેમના પિત્તાશયમાં કોઈ સમસ્યા છે, જેના કારણે તેની સર્જરી કરવામાં આવી હતી. તેમની તબિયતમાં કોઈ સુધારો ન થતા, તેઓ વેન્ટિલેટર સપોર્ટ સિસ્ટમ પર ગયા. જો કે ડોકટરો સતત તેમના સ્વાસ્થ્ય પર નજર રાખી રહ્યા છે અને સંક્રમણ ઘટાડવાના પ્રયાસો કરવામાં આવી રહ્યા છે.

ડોકટરોએ રાણા માટે આગામી 72 કલાક અત્યંત નાજુક ગણાવ્યા છે. તમને જણાવી દઈએ કે ગયા વર્ષે પણ તેમની તબિયત બગડી હતી, ત્યારબાદ તેમને લખનઉના SGPGIમાં દાખલ કરવામાં આવ્યા હતા. રાણા કિડનીની સમસ્યાને કારણે ડાયાલિસિસ પર છે. મળતી માહિતી મુજબ પ્રખ્યાત શાયર મુનાવર રાણા કિડનીની સમસ્યાને કારણે ડાયાલિસિસ કરાવી રહ્યા છે. અગાઉ તેમની સારવાર દિલ્હીમાં પણ થઈ હતી.

કોણ છે પ્રખ્યાત શાયર મુન્નવર રાણા 

મુન્નવર રાણા એક પ્રખ્યાત શાયર અને કવિ છે, તેઓ ઉર્દૂ સિવાય હિન્દી અને અવધી ભાષાઓમાં લખે છે. મુન્નવરે તેમની ગઝલો વિવિધ શૈલીમાં પ્રકાશિત કરી છે. તેમને ઉર્દૂ સાહિત્ય માટે 2014 માં સાહિત્ય અકાદમી પુરસ્કાર અને શહીદ શોધ સંસ્થાન દ્વારા 2012 માં માટી રતન સન્માનથી નવાજવામાં આવ્યા હતા. લગભગ એક વર્ષ પછી તેણે એકેડેમી એવોર્ડ પરત કર્યો. વધતી જતી અસહિષ્ણુતાને કારણે ક્યારેય સરકારી પુરસ્કારો નહીં સ્વીકારવાની પ્રતિજ્ઞા લીધી.

આ પણ વાંચો… Jamnagar Journalist Samman: જામનગર પત્રકાર મંડળ ના નવા વરાયેલા હોદેદારો નુ સન્માન કરતુ “હિન્દુ સેના જામનગર”

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો