Sanya Malhotra: ‘દંગલ’ ગર્લ સાન્યા મલ્હોત્રા, જુહુમાં ખરીદ્યું આટલું મોંઘું ઘર; જાણો વિગત
Sanya Malhotra: તેના પિતા સુનિલ કુમારે સ્ટેમ્પ ડ્યુટી તરીકે લગભગ 71.5 લાખ રૂપિયા ચૂકવ્યા હતા. આ ફ્લેટની કિંમત 14.3 કરોડ રૂપિયા છે.
મનોરંજન ડેસ્ક: ૦૭ નવેમ્બર: Sanya Malhotra: આમિર ખાનની ‘દંગલ’થી બોલિવૂડમાં એન્ટ્રી કરનાર અભિનેત્રી સાન્યા મલ્હોત્રાએ દિવાળીના અવસર પર જુહુમાં નવું ઘર ખરીદ્યું છે. તેનું નવું ઘર બેવ્યુ બિલ્ડિંગમાં છે, જે જુહુ વર્સોવા લિંક રોડ પર સ્થિત છે. જો રિપોર્ટ્સનું માનીએ તો, આ ફ્લેટ બિલ્ડર સમીર ભોજવાની દ્વારા સાન્યા મલ્હોત્રાને વેચવામાં આવ્યો છે અને ટ્રાન્સફર ડીડ 14 ઓક્ટોબર, 2021 ના રોજ કરવામાં આવી હતી. જેના માટે સાન્યા અને તેના પિતા સુનિલ કુમારે સ્ટેમ્પ ડ્યુટી તરીકે લગભગ 71.5 લાખ રૂપિયા ચૂકવ્યા હતા. આ ફ્લેટની કિંમત 14.3 કરોડ રૂપિયા છે.
રિપોર્ટ્સનું માનીએ તો અભિનેતા રિતિક રોશને ગયા વર્ષે આ જ બિલ્ડિંગમાં બે ઘર ખરીદ્યા હતા, જેની કિંમત લગભગ 100 કરોડ છે. હૃતિક રોશનનું આ એપાર્ટમેન્ટ 38,000 સ્ક્વેર ફૂટનું છે, જેમાં 6,500 સ્ક્વેર ફૂટની ઓપન ટેરેસ છે. આ સિવાય રિતિક રોશન પાસે આ બિલ્ડિંગમાં 10 પાર્કિંગ સ્લોટ પણ છે. અભિનેતાનું ઘર બિલ્ડિંગના 14મા, 15મા માળે છે.
વર્ષ 2018માં સાન્યા મલ્હોત્રાએ (Sanya Malhotra) મેક્સિમમ સિટીમાં ફ્લેટ ખરીદ્યો હતો. સાન્યા દિલ્હીની છે અને તેણે મુંબઈમાં ઘર કેમ ખરીદ્યું? પૂછવા પર સાન્યાએ કહ્યું, ‘આ જગ્યા ખરીદતા પહેલા હું એક બેડરૂમના એપાર્ટમેન્ટમાં રહેતી હતી. આ મોટા ઘરમાં આવવા પાછળનું કારણ એ છે કે હું ઇચ્છતી હતી કે મારો પરિવાર જ્યારે પણ દિલ્હીથી અહીં આવે ત્યારે મારી સાથે આરામદાયક રીતે રહે. તેણીએ આગળ કહ્યું હતું કે, ‘પહેલાં તો હું તેના વિશે થોડી મૂંઝવણમાં હતી, પૈસાને લઈને પાછળ રહી ગઈ હતી. પરંતુ મારા પિતાએ મને સમજાવ્યું કે મારે ભાડે રહેવાને બદલે મારા પોતાના મકાનમાં રોકાણ કરવું જોઈએ.
સાન્યા મલ્હોત્રાના (Sanya Malhotra) આગામી પ્રોજેક્ટ્સની વાત કરીએ તો તે કરણ જોહરની ફિલ્મ મીનાક્ષી સુંદેશ્વરમાં જોવા મળશે. આ ફિલ્મમાં તેની સાથે અભિમન્યુ દાસાની છે. આ ફિલ્મ 5 નવેમ્બરે રિલીઝ થઈ રહી છે.
