Employee fired at the manager: નોકરીમાંથી કાઢી મૂક્યો તો ઓફિસમાં ઘૂસીને છાતીમાં મારી ગોળી, વાંચો સમગ્ર મામલો…

Employee fired at the manager: નોઈડામાં સ્થિત બીપીઓમાં કામ કરતા મેનેજરને તેની નીચે કામ કરતા વ્યક્તિએ છાતી પર ગોળી મારી

નવી દિલ્હી, 05 જાન્યુઆરી: Employee fired at the manager: દિલ્હીને અડીને આવેલા ઉત્તર પ્રદેશના નોઈડામાં એક પૂર્વ કર્મચારીએ બીપીઓના મેનેજરને ગોળી મારી દીધી છે. જણાવવામાં આવી રહ્યું છે કે નોઈડામાં સ્થિત બીપીઓમાં કામ કરતા મેનેજરને તેની નીચે કામ કરતા વ્યક્તિએ છાતી પર ગોળી મારી હતી.

પોલીસે આ સંદર્ભમાં માહિતી આપતા કહ્યું કે કથિત રીતે મેનેજરે આ કર્મચારીને 6 મહિના પહેલા કાઢી મૂક્યો હતો, જેનો બદલો તેણે મેનેજરને ગોળી મારીને લીધો હતો. ઈજાગ્રસ્ત બીપીઓ મેનેજરને આઈસીયુમાં દાખલ કરવામાં આવ્યો છે અને તેની હાલત હજુ પણ નાજુક છે.

પોલીસના જણાવ્યા અનુસાર, દિલ્હીના અશોક નગરના રહેવાસી અનૂપ સિંહ નોઈડાના સેક્ટર 2 સ્થિત NSB BPOમાં ડેટા એન્ટ્રી ઓપરેટર તરીકે કામ કરતો હતો. લગભગ 6 મહિના પહેલા કંપનીના સર્કલ હેડ સાર્દુલ ઈસ્લામે અનૂપ સિંહને ઓફિસમાં ખરાબ વર્તનને કારણે નોકરીમાંથી કાઢી મૂક્યો હતો. આ પછી, અનૂપે સાર્દુલ ઇસ્લામનો ઘણી વખત સંપર્ક કર્યો અને તેને ફરીથી નોકરી પર રાખવા વિનંતી કરી, પરંતુ તેને ફરીથી નોકરી પર રાખવામાં ન આવ્યો. 

ગઈકાલે એટલે કે બુધવાર, 4 જાન્યુઆરી, 2023ની સાંજે, અનૂપ સિંહ સાર્દુલ ઈસ્લામની ઓફિસમાં ઘૂસી આવ્યો. બંને વચ્ચે બોલાચાલી થઈ, ત્યારબાદ અનૂપ સિંહે દેશી બનાવટની પિસ્તોલ કાઢી અને સાર્દુલ પર ગોળી ચલાવી દીધી. એડીસી પોલીસ આશુતોષ દ્વિવેદીએ જણાવ્યું કે પોલીસને સેક્ટર 2 સ્થિત ઓફિસમાં ગોળીબારના સમાચાર મળ્યા હતા.

સાર્દુલ ઈસ્લામને છાતી પર ગંભીર ઘા હતો અને તેને તાત્કાલિક કૈલાશ હોસ્પિટલમાં લઈ જવામાં આવ્યો હતો, જ્યાં તેની હાલત હજુ પણ ગંભીર છે. ADC પોલીસે જણાવ્યું કે ઘટના બાદ અનૂપ ત્યાંથી ભાગી ગયો હતો અને પોલીસ તેની શોધખોળ કરી રહી છે.

આ પણ વાંચો: Ayodhya ram mandir big decision: રામલલાના અભિષેકની આવી તારીખ, મૂર્તિને લઈને પણ મોટો નિર્ણય લેવામાં આવ્યો