Dry Fruits Health Benefits: આજથી જ પાણીમાં પલાળીને ખાઓ આ 5 વસ્તુઓ, દૂર ભાગી જશે બીમારીઓનું જોખમ

Dry Fruits Health Benefits: બદામ, કિસમિસ, ચણા જેવી કેટલીક એવી વસ્તુઓ છે જેને પલાળીને ખાવાથી તેના પોષક તત્વો વધે છે

અમદાવાદ, 01 ડિસેમ્બરઃ Dry Fruits Health Benefits: તમે તમારા ઘરના વડીલોને જોયા જ હશે કે તેઓ ખાવાની ઘણી વસ્તુઓ પલાળીને ખાય છે. પરંતુ શું તમે ક્યારેય એ જાણવાની કોશિશ કરી છે કે કંઈપણ પલાળ્યા પછી શું થાય છે? વાસ્તવમાં, બદામ, કિસમિસ, ચણા જેવી કેટલીક એવી વસ્તુઓ છે જેને પલાળીને ખાવાથી તેના પોષક તત્વો વધે છે અને તેનાથી સ્વાસ્થ્યને ઘણા ફાયદા થાય છે. ચાલો જાણીએ આવા જ કેટલાક ખાદ્યપદાર્થો વિશે, જેને પલાળીને ખાવાથી વધુ ફાયદો થાય છે.

આ વસ્તુઓને પલાળીને ખાવાથી ફાયદો થાય છે

મેથીના દાણા- મેથીના દાણાને પાણીમાં પલાળી રાખવાથી તેના ફાઈબરમાં વધારો થાય છે અને તેના ગુણો પણ વધે છે. પાણીમાં પલાળી રાખ્યા બાદ મેથીને સાચવવી સરળ બની જાય છે અને તેનાથી પાચનતંત્ર પણ સ્વસ્થ રહે છે. મેથીના દાણાને રાત્રે પલાળીને સવારે તેનું સેવન કરવાથી ડાયાબિટીસના લક્ષણોમાં રાહત મળે છે. આ સાથે વાળ અને ત્વચામાં પણ ચમક આવે છે.

કિસમિસઃ- કિસમિસને પાણીમાં પલાળીને ખાવાથી શરીરમાં આયર્નની માત્રા વધે છે. તેના ફાઈબરમાં પણ વધારો થાય છે, જે તમને કબજિયાત અને પાઈલ્સ જેવી સમસ્યાઓમાં રાહત આપે છે.

બદામ- બદામને આખી રાત પલાળીને ખાવાથી તમને ઘણા ફાયદા થઈ શકે છે. વાસ્તવમાં, બદામમાં કેલ્શિયમ, પ્રોટીન, આયર્ન, વિટામિન્સ અને મિનરલ્સ ભરપૂર માત્રામાં હોય છે અને જ્યારે તેને પાણીમાં પલાળીને ખાવામાં આવે છે, ત્યારે તેનું પોષણ મૂલ્ય વધે છે. આ મગજના વિકારોને દૂર કરવામાં મદદ કરે છે. યાદશક્તિ તેજ છે.

અંજીર- અંજીરમાં પોટેશિયમ, ફોસ્ફરસ, વિટામિન્સ, મેગ્નેશિયમ અને ફાઈબર ભરપૂર માત્રામાં હોય છે. તેમાં પોલિફીનોલ્સ અને મિનરલ્સ હોય છે. જે શરીરને ફ્રી રેડિકલ્સ થી થતા નુકસાન થી બચાવવામાં મદદરૂપ થાય છે. બીજી તરફ, જો તમે પાચનની સમસ્યા થી પરેશાન છો, તો અંજીરને રાત્રે પાણીમાં પલાળી રાખો અને સવારે તેનું સેવન કરો. તેનાથી તમે કબજિયાતની સમસ્યા માંથી રાહત મેળવી શકો છો.

અળસી- અળસીના બીજને પલાળીને ખાવાથી તમારું વજન ઘટી શકે છે. પલાળ્યા પછી, અળસીનું કદ મોટું થાય છે. જે ખાધા પછી તમે લાંબા સમય સુધી પેટ ભરેલું અનુભવો છો. આ રીતે તમે વજન ઘટાડી શકો છો. આ ડાયાબિટીસને નિયંત્રિત કરવામાં પણ મદદ કરે છે.

કાળા ચણા- પલાળેલા કાળા ચણા ખાવાથી તમને ભરપૂર પ્રમાણમાં પ્રોટીન અને ફાઈબર મળે છે. આ વજન ઘટાડવામાં મદદ કરે છે. શરીરમાં એનર્જી આવે છે અને તે તમારો થાક દૂર કરવામાં પણ મદદ કરે છે.

આ પણ વાંચો… 5 state Exit Poll: ક્યાંક ‘હાથ’ ઉપર તો ક્યાંક ખીલ્યું ‘કમળ’, જાણો 5 રાજ્યોના એક્ઝિટ પોલના પરિણામો

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો