Important News For UPI Users: યૂપીઆઈ યૂજર્સ માટે મહત્વના સમાચાર, જલ્દી કરી લો આ કામ નહીંતર…
Important News For UPI Users: જો કોઈ ગ્રાહકે છેલ્લા એક વર્ષથી કોઈપણ થર્ડ પાર્ટી એપ દ્વારા એક વખત પણ કોઈ નાણાકીય અથવા બિન-નાણાકીય વ્યવહારો કર્યા નથી તો તેનું UPI ID બંધ કરી દેવામાં આવશે
કામની ખબર, 20 નવેમ્બરઃ Important News For UPI Users: UPIએ લોકોની પૈસાની લેવડદેવડ કરવાની રીત બદલી નાખી છે. UPI દ્વારા નાનાથી મોટી રકમનું પેમેન્ટ કરવામાં આવી રહ્યું છે. રિક્ષા અને મેટ્રો મુસાફરી માટે પણ લોકો મોટાભાગે યુપીઆઈ દ્વારા ચૂકવણી કરે છે. જોકે હવે સરકારે આ અંગે એક ખાસ સંદેશ જાહેર કર્યો છે. જો તમે પણ UPIનો ઉપયોગ કરો છો, તો તમારે આ જાણવું જોઈએ નહીં તો તમે મોટી મુશ્કેલીમાં ફસાઈ શકો છો.
નેશનલ પેમેન્ટ કોર્પોરેશન ઓફ ઈન્ડિયાએ એક માર્ગદર્શિકા બહાર પાડી છે. આ માર્ગદર્શિકામાં કહેવામાં આવ્યું છે કે જો કોઈ ગ્રાહકે છેલ્લા એક વર્ષથી Google Pay, Paytm અથવા Phone Pe જેવી કોઈપણ થર્ડ પાર્ટી એપ દ્વારા એક વર્ષ દરમિયાન એક વખત પણ કોઈ નાણાકીય અથવા બિન-નાણાકીય વ્યવહારો કર્યા નથી, તો તેનું UPI ID બંધ કરી દેવામાં આવશે. આવા ગ્રાહકોને શોધવાની સૂચના આપી છે.
ગાઈડલાઈનમાં કહેવામાં આવ્યું છે કે જો 31 ડિસેમ્બર, 2023 સુધીમાં આવી કોઈ UPI આઈડી એક્ટિવેટ નહીં થાય તો તેને 1 જાન્યુઆરી, 2024થી ડિએક્ટિવેટ કરી દેવામાં આવશે. આનો અર્થ એ છે કે તમે કોઈપણ UPI ટ્રાન્ઝેક્શન કરી શકશો નહીં. આ કારણોસર, જો તમે છેલ્લા એક વર્ષથી UPI ID દ્વારા નાણાકીય અને બિન-નાણાકીય વ્યવહારો કર્યા નથી, તો તરત જ તમારુ UPI ID સક્રિય કરો.
UPI ટ્રાન્ઝેક્શન હવે પહેલા કરતા વધુ સુરક્ષિત બનશે
NPCIના નવા નિયમ અનુસાર, તમામ થર્ડ પાર્ટી એપ પ્રોવાઈડર્સ અને બેંકો આવા ગ્રાહકો સાથે જોડાયેલા UPI આઈડી અને મોબાઈલ નંબરની ચકાસણી કરશે. જો આ ID થી એક વર્ષ સુધી કોઈ UPI ટ્રાન્ઝેક્શન કરવામાં આવ્યું નથી, તો તે 31 ડિસેમ્બર, 2023 પછી બંધ થઈ જશે.
આનો અર્થ એ છે કે તમે નવા વર્ષથી UPI દ્વારા કોઈપણ વ્યવહાર કરી શકશો નહીં. NPCIના આ પગલાથી UPI ટ્રાન્ઝેક્શન હવે પહેલા કરતા વધુ સુરક્ષિત બનશે અને ખોટા ટ્રાન્ઝેક્શનો પણ બંધ થઈ જશે.
ઘણી વખત એવું જોવા મળે છે કે લોકો પોતાનો નંબર બદલી નાખે છે અને UPI ID ને નિષ્ક્રિય કરવાનું ભૂલી જાય છે. આવી સ્થિતિમાં ખોટા ટ્રાન્ઝેકશનું જોખમ વધી જાય છે. જો કે, NPCIનો આ નિયમ UPI દ્વારા ખોટા ટ્રાન્ઝેકશનો અટકાવશે.
આ પણ વાંચો… PM Modi Praised Indian Team: વડાપ્રધાન નરેન્દ્ર મોદીએ વિશ્વ કપમાં ભારતીય ટીમના પ્રદર્શનની પ્રશંસા કરી
