Ambani Family
મનોરંજન રાજ્યની ખબર

Ambani organized a special party Again: અંબાણી પરિવારે ફરી જામનગર ખાતે સ્ટાર્સને બોલાવ્યા, કર્મચારીઓ માટે સ્પેશિયલ પાર્ટીનું આયોજન-જુઓ વીડિયો

By Bijal Vyas

Ambani organized a special party Again: રિલાયન્સની આ પાર્ટીમાં સલમાન ખાન, શાહરૂખ ખાન, જાહ્નવી કપૂર અને રણવીર સિંહે પરફોર્મ કર્યું

જામનગર, 07 માર્ચઃ Ambani organized a special party Again: અનંત અંબાણી અને રાધિકા મર્ચન્ટના પ્રી-વેડિંગ ફંક્શન 1 માર્ચથી 3 માર્ચ સુધી ચાલ્યા હતા. જ્યાં ફિલ્મ અને ઈન્ડસ્ટ્રીના ઘણા પ્રખ્યાત ચહેરાઓ પહોંચ્યા હતા. પાર્ટી પૂરી થયા બાદ 4 માર્ચે તમામ સ્ટાર્સ પોતપોતાના ઘરે જવા રવાના થયા હતા. પરંતુ 6 માર્ચે જામનગર એરપોર્ટ પર શાહરૂખ ખાન, સલમાન ખાન અને જાહ્નવી કપૂર સહિત ઘણા સ્ટાર્સ જોવા મળ્યા હતા. ખરેખર, પ્રી-વેડિંગ ફંક્શન પછી અંબાણીએ બુધવારે રિલાયન્સના કર્મચારીઓ માટે એક મ્યુઝિકલ ઈવેન્ટનું આયોજન કર્યું હતું. જ્યાં બોલિવૂડના અનેક સ્ટાર્સે પરફોર્મ કરીને મનોરંજન કર્યું હતું.

રિલાયન્સની આ પાર્ટીમાં સલમાન ખાન, શાહરૂખ ખાન, જાહ્નવી કપૂર અને રણવીર સિંહે પરફોર્મ કર્યું હતું. આ સિવાય ગાયક અરિજીત સિંહે પણ પોતાના સુંદર અવાજમાં ગીત ગાયું છે. કિંગ ખાને તેની ફિલ્મ મોહબ્બતેંનો ડાયલોગ એક લડકી થી દીવાની દ્વારા રંગ જમાવ્યો. 

આ પણ વાંચોઃ Shahrukh Called Ram Charan Idli: શાહરૂખ ખાને અંબાણીની પ્રિ-વેડિંગ પાર્ટીમાં રામ ચરણને ઇટલી કહેવુ ભારે પડ્યુ, લોકો કરી રહ્યાં છે વિરોધ- જુઓ વીડિયો

અંબાણીની મ્યુઝિકલ નાઈટમાં સલમાન ખાને સુલતાનના ગીત જગ ઘૂમ્યા પર પરફોર્મ કર્યું હતું. બાજીરાવ મસ્તાનીના ગીત મલ્હારી પર રણવીર સિંહે જોરદાર ડાન્સ કર્યો હતો. અંબાણીની આ બીજી પાર્ટીના વીડિયો સોશિયલ મીડિયા પર લોકપ્રિય છે.

રિહાન્ના, દિલજીત દોસાંઝ, લકી અલી સહિતના ઘણા લોકપ્રિય ગાયકોએ અનંત અંબાણી અને રાધિકા મર્ચન્ટના ત્રણ દિવસીય પ્રી-વેડિંગ ફંક્શનમાં પરફોર્મ કર્યું હતું. શાહરૂખ ખાન, સલમાન ખાન સિવાય આમિર ખાન, રણબીર કપૂર, અર્જુન કપૂર, સિદ્ધાર્થ મલ્હોત્રા, કિયારા અડવાણી, અમિતાભ બચ્ચન, જયા બચ્ચન, ઐશ્વર્યા રાય, કરીના કપૂર, સારા અલી ખાન, સૈફ અલી ખાન સહિત બોલિવૂડના ઘણા સ્ટાર્સ સામેલ છે.

અભિનેતાઓ રિલાયન્સના કર્મચારીઓ અને સ્થાનિકો માટે પરફોર્મ કરવા જઈ રહ્યા છે. વંતરા એનિમલ હોસ્પિટલમાં કામ કરતા લોકોને પણ બોલિવૂડ શોમાં આમંત્રણ આપવામાં આવ્યું છે. લગ્ન પહેલાની ઉજવણી દરમિયાન રાખવામાં આવતી વિવિધતા અને વિકલ્પો સાથે ખાસ ફૂડ સ્ટોલ ઉભા કરવામાં આવ્યા છે.