IND vs PAK: પાકિસ્તાન વિરુદ્ધ ધોની અને કેએલ રાહુલને મળી મેચ હારી જવાની ઓફર! જુઓ વિડીયો

IND vs PAK: રાહુલને જોઈને પાકિસ્તાની એન્કરે તેને કહ્યું કે પાકિસ્તાન સામે સારી બેટિંગ ન કરતો. સવેરા પાસાએ રાહુલને કહ્યું- મહેરબાની કરીને કાલે સારું રમશો નહીં

સ્પોર્ટ્સ ડેસ્ક, 24 ઓક્ટોબરઃ IND vs PAK: ભારત પાકિસ્તાનની મેચને લઇને દેશવાસીઓ ખુબ જ ઉત્સાહી છે. પરંતુ મેચ શરુ થઇ તે પહેલા એક વીડિયોએ સોશિયલ મીડિયા પર ધૂમ મચાવી દીધી છે. આ વીડિયો 23 ઓક્ટોબરનો છે જેમાં ટીમ ઇન્ડિયાના મેન્ટર એમએસ ધોની અને બેટ્સમેન કેએલ રાહુલને મેચ હારવા માટે ખુલ્લી ઓફર આપવામાં આવી રહી છે. 

ટ્રેનિંગ(IND vs PAK) બાદ બંને મેદાનથી હોટલ તરફ જઇ રહ્યા હતા ત્યારે આ બન્યું હતું. તેની સામે આવેલા આ પ્રસ્તાવનો ધોનીએ પણ યોગ્ય જવાબ આપ્યો છે. આ સમગ્ર મામલામાં વધારે ગંભીર થવાની જરૂર નથી કારણ કે જે પણ થયું તે માત્ર હાસ્યનો એક ભાગ હતો.

વાસ્તવમાં જ્યારે ટીમ ઈન્ડિયા ટ્રેનિંગમાંથી પરત ફરી રહી હતી ત્યારે પાકિસ્તાનની એન્કર સવેરા પાસા તે ક્ષણોને પોતાના કેમેરામાં કેદ કરી રહી હતી. આ દરમિયાન તેની નજર સૌથી પહેલા કેએલ રાહુલ પર પડી. રાહુલને જોઈને પાકિસ્તાની એન્કરે તેને કહ્યું કે પાકિસ્તાન સામે સારી બેટિંગ ન કરતો. સવેરા પાસાએ રાહુલને કહ્યું- મહેરબાની કરીને કાલે સારું રમશો નહીં. પાક એન્કરે ઘણી વખત પોતાની વાત દોહરાવી, જેનો રાહુલે હસીને જવાબ આપ્યો નહીં.

આ પછી તેણે ધોનીને કહ્યું કે પાકિસ્તાન સામેની મેચમાં નહીં. પરંતુ ધોની રાહુલની જેમ ચૂપ ન રહ્યો. તેણે પાકિસ્તાની પત્રકાર સવેરા પાસાની વાતનો જડબાતોડ જવાબ આપ્યો. ધોનીએ સ્પષ્ટ કહ્યું- ‘આ મારું કામ છે.’ અલબત્ત, ધોનીએ નામ નથી લીધું પણ તેનો ઈશારો પાકિસ્તાન તરફ હતો. તેમણે કહેવાનો અર્થ પાકિસ્તાનને હરાવવાનું કામ હતું.

ભારતીય ખેલાડીઓ સાથે હાસ્યની પળો વિતાવ્યા બાદ પાકિસ્તાની પત્રકારે તેમની ટીમ સાથે વાત પણ કરી હતી. તેણે પોતાની ટીમને ભારત સામેની મેચ માટે શુભેચ્છા પાઠવી હતી. આ પણ ત્યારે થયું જ્યારે પાકિસ્તાની ટીમ ટ્રેનિંગ બાદ હોટેલ પરત ફરી રહી હતી.

આ પણ વાંચોઃ Gujarat 1st in onion production: હેક્ટર દીઠ ડુંગળીનું ઉત્પાદન કરવામાં દેશમાં પ્રથમ ક્રમે આવ્યુ ગુજરાત