Cheating with Rashmika Mandana: નેશનલ ક્રશ રશ્મિકા મંદાના સાથે થઈ આટલા લાખની છેતરપિંડી, વાંચો વિગતે…
Cheating with Rashmika Mandana: મેનેજરે કથિત રીતે રશ્મિકા મંદાના પાસેથી 80 લાખ રૂપિયાની ચોરી કરી હતીઃ રિપોર્ટ્સ
મનોરંજન ડેસ્ક, 20 જૂનઃ Cheating with Rashmika Mandana: સાઉથની જાણીતી અભિનેત્રી રશ્મિકા મંદાનાએ ફિલ્મ ‘ગુડબાય’ દ્વારા બોલિવૂડમાં એન્ટ્રી કરી છે. હવે અભિનેત્રી ટૂંક સમયમાં રણબીર કપૂર સાથે ‘એનિમલ’માં જોવા મળશે. આ દરમિયાન રશ્મિકા વિશે એક ચોંકાવનારા સમાચાર સામે આવ્યા છે. રિપોર્ટ્સનું માનીએ તો રશ્મિકા મંદાના સાથે 80 લાખ રૂપિયાની છેતરપિંડી થઇ છે.
મેનેજરે કરી રશ્મિકા સાથે 80 લાખ ની છેતરપિંડી
મીડિયા રિપોર્ટ્સ અનુસાર, નેશનલ ક્રશ રશ્મિકા મંદાના 80 લાખ રૂપિયાની છેતરપિંડીનો શિકાર બની છે. તે જ સમયે, છેતરપિંડી કરનાર વ્યક્તિ અન્ય કોઈ નહીં પરંતુ તેની મેનેજર છે. મેનેજરે કથિત રીતે રશ્મિકા પાસેથી 80 લાખ રૂપિયાની ચોરી કરી હતી. આટલું જ નહીં માહિતી તો એ પણ છે કે આ અંગેની માહિતી મળતાં જ રશ્મિકાને ખૂબ જ ગુસ્સો આવ્યો અને તેણે મેનેજરને નોકરીમાંથી કાઢી મૂકી.
રિપોર્ટ અનુસાર, મેનેજર લાંબા સમયથી રશ્મિકા મંદાના સાથે જોડાયેલી હતી અને તે અભિનેત્રીની જાણ વગર ધીમે ધીમે પૈસાની ચોરી કરતી હતી. જયારે અભિનેત્રીને આ ઘટના વિશે ખબર પડી ત્યારે તેને ઘણો આઘાત લાગ્યો.
રશ્મિકા મંદાના નું વર્ક ફ્રન્ટ
રશ્મિકા મંદાના ના વર્ક ફ્રન્ટ ની વાત કરીએ તો આ દિવસોમાં તે રણબીર કપૂર સાથે તેની આગામી ફિલ્મ ‘એનિમલ’ના શૂટિંગમાં વ્યસ્ત છે. તાજેતરમાં જ ફિલ્મના અભિનેતાનું ફર્સ્ટ લૂક પોસ્ટર જાહેર કરવામાં આવ્યું હતું અને પ્રી-ટીઝરે રિલીઝ સાથે ચાહકોની ઉત્તેજના વધારી દીધી છે. આ ફિલ્મ 11 ઓગસ્ટે સિનેમાઘરોમાં આવશે. ઉપરાંત, રશ્મિકા મંદાના તેની બ્લોકબસ્ટર ફિલ્મ ‘પુષ્પા’ની સિક્વલ ‘પુષ્પા 2’ માટે પણ ચર્ચામાં છે.
આ પણ વાંચો…. Honey Benefits: સવારે ખાલી પેટે મધનું સેવન કરો, મળશે આ અદ્ભુત ફાયદાઓ…
