Harnaaz Sandhu In Legal Trouble: મિસ યુનિવર્સ 2021 હરનાઝ કૌર વિરુદ્ધ આ જાણીતી અભિનેત્રીએ કર્યો કેસ- વાંચો વિગત
Harnaaz Sandhu In Legal Trouble: ઉપાસના સિંહનું કહેવુ છે કે, જ્યારે તે મિસ યુનિવર્સ નહોતી બની ત્યારે તેણે આ ફિલ્મો હરનાઝને આપી હતી
મનોરંજન ડેસ્ક, 06 ઓગષ્ટઃHarnaaz Sandhu In Legal Trouble: કપિલ શર્મા શો માં દર્શકોને હસાવનાર અભિનેત્રી ઉપાસના સિંહે મિસ યુનિવર્સ 2021 હરનાઝ કૌર સંધુ વિરુદ્ધ કોર્ટમાં કેસ દાખલ કર્યો છે. ઉપાસના સિંહે આરોપ લગાવ્યો છે કે, હરનાઝે તેની પંજાબી ફિલ્મને લઈને તેની સાથે કરાર કર્યો અને હવે તેણે તોડી નાખ્યો છે.
ચંદીગઢની કોર્ટમાં કેસ દાખલ કરીને ઉપાસના સિંહે આરોપ લગાવ્યો હતો કે, હરનાઝે તેની ફિલ્મ ‘બાઈ જી કુટંગે’માં અભિનય કર્યો હતો અને એક કોન્ટ્રાક્ટ કર્યો હતો કે, તે ફિલ્મનું પ્રમોશન પણ કરશે.
આ સિવાય હરનાઝે ઉપાસના સિંહ દ્વારા નિર્મિત ફિલ્મ ‘યારા દિયા પુ બરન’માં પણ કામ કર્યું હતું. આ ફિલ્મો માટે, હરનાઝે ઉપાસનાની ફિલ્મ સંતોષ એન્ટરટેઈનમેન્ટ સ્ટુડિયો LLP સાથે કોન્ટ્રાક્ટ સાઇન કરીને વચન આપ્યુ હતુ કે, તે ફિલ્મના પ્રચાર માટે વર્ચ્યુઅલ અને ઑફલાઇન બંને રીતે હાજર રહેશે.
ઉપાસના સિંહનું કહેવુ છે કે, જ્યારે તે મિસ યુનિવર્સ નહોતી બની ત્યારે તેણે આ ફિલ્મો હરનાઝને આપી હતી. તેણે આ ફિલ્મોના નિર્માણ માટે ઘણા પૈસા ખર્ચ્યા છે અને આ માટે હવે યોગ્ય સમયે તેનું પ્રમોશન કરવું જરૂરી છે. ફિલ્મ, બાઈ જી કુટ્ટગેં, દેવ ખરૌદ અને ગુરપ્રીત ઘુગ્ગી પણ છે. આ ફિલ્મોનું નિર્દેશન સ્મીપ કાંગે કર્યું છે.
મહત્વનું છે કે, હરનાઝ કૌર સંધુ માત્ર 21 વર્ષની ઉંમરમાં ઇઝરાયેલમાં યોજાયેલી મિસ યુનિવર્સનો તાજ જીત્યો હતો. વર્ષ 2000માં છેલ્લે લારા દત્તા મિસ યુનિવર્સ બની હતી. 1994માં સુસ્મિતા સેન મિસ યુનિવર્સ બની હતી.