Salman khan birthday special: હજુ પણ બાંદ્રા ના જૂના ફ્લેટ માં રહે છે સલમાન ખાન, જાણો કેમ નવા ઘરમાં નથી થતો શિફ્ટ…
- એક જૂના ઈન્ટરવ્યુમાં સલમાન ખાને ખુલાસો કર્યો હતો કે તેને બાંદ્રામાં પોતાના જૂના મકાનમાં રહેવું ગમે છે
Salman khan birthday special: હું એ જ ઘરમાં રહું છું કારણ કે એ ઘર સાથે મારી અસંખ્ય યાદો જોડાયેલી છે: સલમાન ખાન
મનોરંજન ડેસ્ક, 27 ડિસેમ્બર: Salman khan birthday special: બોલિવૂડના દબંગ સલમાન ખાન આજે પોતાનો જન્મદિવસ મનાવી રહ્યા છે. ફિલ્મ ઈન્ડસ્ટ્રીમાં 25 વર્ષથી વધુ સમય પસાર કર્યા બાદ તેણે દર્શકોને એકથી વધુ ફિલ્મો આપી છે. આ તેનો ચાર્મ છે કે આટલા વર્ષો પછી પણ લોકોમાં તેનો ક્રેઝ ખતમ થયો નથી. કરોડોની પ્રોપર્ટીના માલિક સલમાન ખાનને જોઈને લાગે છે કે તે કોઈ આલીશાન મહેલ જેવા મકાનમાં રહેતો હશે.
એ પણ સાચું, પણ એનું ઘર ‘મન્નત’ કે ‘જલસા’ જેવું નથી. આટલો અમીર હોવા છતાં પણ સલમાન ખાન પોતાના જૂના મકાનમાં રહે છે. તેની પાછળ એક મોટું કારણ છે, જેનો તેણે એકવાર ખુલાસો કર્યો હતો. આજે સલમાન ખાનનો 57મો જન્મદિવસ છે. આ પ્રસંગે અમે વાત કરીશું કે તે આટલો અમીર હોવા છતાં પણ સલમાન બાકીના સ્ટાર ની જેમ નવા ઘરમાં કેમ શિફ્ટ નથી થતો.
આ કારણે સલમાન તેના જૂના મકાનમાં રહે છે
મીડિયા રિપોર્ટ્સ અનુસાર, એક જૂના ઈન્ટરવ્યુમાં સલમાન ખાને ખુલાસો કર્યો હતો કે તેને બાંદ્રામાં પોતાના જૂના મકાનમાં રહેવું ગમે છે. તે આલીશાન બંગલામાં રહેવા કરતાં બાંદ્રામાં પોતાના ઘરમાં રહેવાનું પસંદ કરે છે. તેણે આનું કારણ જણાવ્યું કે તેના માતા-પિતા તેની ઉપરના ફ્લેટમાં રહે છે. તે નાનપણથી એક જ ઘરમાં રહે છે.
સલમાને કહ્યું હતું કે તેની આખી ઇમારત એક પરિવાર જેવી છે. ‘અમે નાના હતા ત્યારે બિલ્ડીંગના તમામ બાળકો નીચે બગીચામાં સાથે રમતા હતા અને ક્યારેક ત્યાં સૂઈ જતા હતા. હું એ જ ઘરમાં રહું છું કારણ કે એ ઘર સાથે મારી અસંખ્ય યાદો જોડાયેલી છે. એક સમયે, સલમાન ખાનના પિતા અને મહાન પટકથા લેખક સલીમ ખાને પણ આ ફ્લેટમાં રહેવાનું કારણ શેર કર્યું હતું. તેણે કહ્યું હતું કે, ‘હું આ જગ્યા સાથે ખૂબ જ જોડાયેલ છું. જો હું ક્યારેય આ સ્થાન છોડીશ, તો મારું હૃદય રડશે. પછી હું સુખેથી જીવી શકીશ નહિ.’
