Internet in Flight: જોરદાર…! હવે હવાઈ મુસાફરી દરમિયાન પણ કરી શકાશે ઇન્ટરનેટનો ઉપયોગ, વાંચો વિગતે

Internet in Flight: વિસ્ટારાએ ફ્લાઇટ દરમિયાન મુસાફરો માટે ફ્રી વાઇફાઇ સેવા શરૂ કરવાનો નિર્ણય લીધો

કામની ખબર, 10 નવેમ્બરઃ Internet in Flight: જ્યારે તમે હવાઈ મુસાફરી કરો છો, ત્યારે તમે થોડા કલાકો માટે દુનિયાથી દૂર હોવ છો. આ સમયે મુસાફરી કરતી વખતે મોબાઈલને ફ્લાઈટ મોડમાં મૂકવો પડે છે અને પ્લેનમાં ઈન્ટરનેટ સેવા બંધ રાખવામાં આવે છે. પરંતુ હવે જો તમારું પ્લેન 35 હજાર ફીટ પર ઉડતું હોય તો પણ તમને પ્લેનમાં ફ્રી ઈન્ટરનેટ સેવા મળશે.

ટાટા ગ્રૂપની ઉડ્ડયન કંપની વિસ્ટારાએ ફ્લાઇટ દરમિયાન મુસાફરો માટે ફ્રી વાઇફાઇ સેવા શરૂ કરવાનો નિર્ણય લીધો છે. આ સાથે વિસ્તારા એરલાઇન્સ ઇન-ફ્લાઇટ ઇન્ટરનેટ સેવાઓ પૂરી પાડનારી પ્રથમ ભારતીય કંપની હશે. હાલમાં ઘણી વિદેશી એરલાઇન્સ દ્વારા પણ આ સુવિધા આપવામાં આવે છે.

એરક્રાફ્ટમાં ફ્રી ઇન્ટરનેટ સેવાની જાહેરાત 

ટાટા સન્સ અને SIA ની માલિકીની વિસ્ટારા એરલાઇન્સે તાજેતરમાં તેના બોઇંગ 787-9 ડ્રીમલાઇનર એરક્રાફ્ટમાં ફ્રી ઇન્ટરનેટ સેવા ની જાહેરાત કરી હતી. આ સુવિધા હાલમાં દિલ્હીના ઈન્દિરા ગાંધી ઈન્ટરનેશનલ એરપોર્ટ (IGI) અને લંડનના હીથ્રો એરપોર્ટ વચ્ચે ઉપલબ્ધ છે. હવે કંપની આ સેવાને Airbus 321 Neo સુધી પણ વિસ્તારવા જઈ રહી છે. ફ્લાઇટ દરમિયાન તમામ મુસાફરો મર્યાદિત સમય માટે આ સેવાનો લાભ લઈ શકશે.

વિસ્ટારા વિસ્તરણ કરનાર પ્રથમ ભારતીય કંપની બની

વિસ્ટારા વાઈફાઈ મેસેજિંગ લોન્ચ કરનારી પ્રથમ ભારતીય કંપની બની છે. ફ્લાઇટ દરમિયાન મુસાફરો તેમના સ્માર્ટફોન, ટેબલેટ અને લેપટોપનો ઉપયોગ કરી શકશે. ઇન્ટરનેશનલ એરલાઇન્સ લાંબા સમયથી તેમના મુસાફરોને આ સેવા આપી રહી છે. આ સુવિધા લાંબા અંતરની ફ્લાઇટમાં શરૂ કરવામાં આવી હતી. હવે વિસ્તારા પણ આ વિશિષ્ટ ક્લબનો એક ભાગ હશે.

ઈમેલ અને સોશિયલ મીડિયાનો ઉપયોગ કરી શકશે

લગભગ 35 હજાર ફૂટની ઉંચાઈ પર ઉડાન દરમિયાન પણ મુસાફરો ઈન્ટરનેટ દ્વારા સરળતાથી તેમનું કામ કરી શકશે. તમે ફ્લાઈટ દરમિયાન પણ ઈમેલ, સોશિયલ મીડિયા, મેસેજ સહિતની ઘણી સેવાઓનો ઉપયોગ કરી શકશો. વિસ્તારા આ સેવા અંગે લોકોનો પ્રતિસાદ પણ લેશે અને જરૂરિયાત મુજબ ફેરફાર કરશે.

આ પણ વાંચો… Rail Coach Restaurant In Rajkot: રાજકોટમાં ખુલ્યું વેસ્ટર્ન રેલવે ઝોન અને ગુજરાતનું પ્રથમ રેલ કોચ રેસ્ટોરન્ટ

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો