CM Bhagwant mann wedding photos: પંજાબના મુખ્યમંત્રી ભગવંત માન આજે લગ્નના બંધનમાં બંધાયા, જુઓ ખાસ તસ્વીરો
CM Bhagwant mann wedding photos: દિલ્હીના CM કેજરીવાલ પોતાના પરિવાર સાથે લગ્નમાં સામેલ થયા, સાથે પિતા તરીકેની ફરજ નિભાવીને તમામ વિધિઓ કરી
ચંડીગઢ, 07 જુલાઇઃCM Bhagwant mann wedding photos: પંજાબના મુખ્યમંત્રી ભગવંત માન આજે લગ્નના બંધનમાં બંધાયા છે. ચંડીગઢ ખાતે પોતાના નિવાસસ્થાને તેમણે સાદગીથી ડો.ગુરપ્રીત કૌર સાથે લગ્ન કર્યા છે.
દિલ્હીના CM કેજરીવાલ પોતાના પરિવાર સાથે લગ્નમાં સામેલ થયા હતા. તેઓ ભગવંત માનના લગ્નમાં પિતાની ભૂમિકામાં જોવા મળ્યા હતા. સાથે જ તેમણે પિતા તરીકેની ફરજ નિભાવીને તમામ વિધિઓ કરી હતી.
દિલ્હીના મુખ્યમંત્રી અરવિંદ કેજરીવાલે કહ્યું હતું કે, મને ખુશી છે કે મારો નાનો ભાઈ આજે એક નવા જીવનની શરૂઆત કરશે. સાથે જ ભગવાન બંનને હંમેશા ખુશ રાખે.
કેજરીવાલે વધુમાં રહ્યું હતું કે, તેમની માતાનું સ્વપ્ન હતું કે, તેઓ ફરીથી પોતાનું ઘર વસાવે અને આજે તે સ્વપ્ન પૂર્ણ થશે.
પંજાબના મુખ્યમંત્રી ભગવંત માન પોતાના લગ્ન પ્રસંગે ગોલ્ડન શેરવાની અને પીળી પાઘડીમાં જોવા મળ્યા હતા. સાથે જ તેઓ વરરાજા તરીકે ખુબ સુંદર લાગી રહ્યા હતા.
જ્યારે તેમની દુલ્હન ડો.ગુરપ્રીત કૌર લાલ જોડામાં મોટા સોનેરી માંગ ટીકા સાથે અનોખા અંદાજમાં જોવા મળી રહી છે.
ભગવંત માનના લગ્ન સમારંભમાં આમ આદમી પાર્ટીના સાંસદ રાઘવ ચઢ્ઢા પહોંચ્યા હતા. તેમણે લગ્નની તસવીરો શેર કરીને લખ્યું હતું કે, ‘સદે વીર દા વ્યાહ, સાનુ ગોડે ગોડે ચાહ’ એટલે મારા મોટા ભાઈના લગ્ન છે અને આજે હું ખૂબ જ ખુશ છું. હવે મોટા ભાઈના લગ્ન બાદ નાના ભાઈનો નંબર લેવાનો છે.
