Raj kundra released on bail: પોર્નોગ્રાફિક ફિલ્મોના મામલામાં રાજ કુન્દ્રાને જામીન, જેલમાંથી બહાર આવતા આવા હાલ હતા રાજના- જુઓ તસ્વીર
Raj kundra released on bail: કુન્દ્રાને 50000 રૂપિયાના જામીન પર છોડવા માટે અદાલતે ચુકાદો આપ્યો
બોલિવુડ ડેસ્ક, 21 સપ્ટેમ્બરઃ Raj kundra released on bail: પોર્નોગ્રાફિક ફિલ્મો બનાવવાના મામલામાં શિલ્પા શેટ્ટીના પતિ રાજ કુન્દ્રાને મુંબઈની એક સ્થાનિક કોર્ટે જામીન આપ્યા છે. કુન્દ્રાને 50000 રૂપિયાના જામીન પર છોડવા માટે અદાલતે ચુકાદો આપ્યો હતો અને કુન્દ્રાની જામીન અરજી સ્વીકારી હતી. રાજ કુન્દ્ર આ આદેશ બાદ મુંબઈની આર્થર રોડ જેલમાથી બહાર આવી ગયા છે.
કુન્દ્રાને તેમના સહયોગી અને સહ આરોપી રેયાન થોર્પ સાથે 19 જુલાઈએ પકડવામાં આવ્યા હતા. જેને પણ કોર્ટે જામીન આપ્યા હતા.
રાજ કુંદ્રા છેલ્લે ઓગસ્ટમાં કોર્ટમાં હાજરી આપવા આવ્યો ત્યારે જોવા મળ્યો હતો. હવે જ્યારે જામીન મળ્યા બાદ જેલમાંથી બહાર આવ્યો ત્યારે ગ્રે ટી શર્ટ, ડેનિમ, બ્લેક માસ્ક તથા કપાળ પર લાંબો ચાંદલો કર્યો હતો.
નોંધનીય છે કે, બે મહિનાથી શિલ્પા શેટ્ટીનો પતિ તથા બિઝનેસમેન રાજ કુંદ્રા મુંબઈની ભાયખલ્લા જેલમાં બંધ હતો.
રાજના વાળ એકદમ અસ્તવ્યસ્ત જોવા મળ્યા હતા અને લાંબી સફેદ દાઢી હતી. જેલમાંથી રાજ કુંદ્રા પોતાની કાર સુધી આવ્યો ત્યારે મોટી સંખ્યામાં લોકો ઉમટી પડ્યા હતા. પોલીસ પ્રોટેક્શન સાથે રાજને તેની કાર સુધી લઈ જવામાં આવ્યો હતો
કારમાં બેઠા બાદ રાજે રાહતનો દમ લીધો હતો. તેણે પોતાના બંને હાથ માથા પર મૂકીને હાશકારો અનુભવ્યો હતો.