Priyanka Gandhi hospitalized: પ્રિયંકા ગાંધીની તબિયત લથડતા હાલ હોસ્પિટલમાં દાખલ, ભારત જોડો ન્યાય યાત્રામાં નહીં થાય સામેલ….
Priyanka Gandhi hospitalized:પ્રિયંકા ગાંધી આજે યુપીમાં પ્રવેશી રહેલી રાહુલ ગાંધીની ભારત જોડો ન્યાય યાત્રામાં ભાગ લેવાના હતા. જોકે, આજે તે યાત્રામાં ભાગ લઈ શકશે નહીં.
નવી દિલ્હી, 16 ફેબ્રુઆરીઃ Priyanka Gandhi hospitalized: કોંગ્રેસ મહાસચિવ પ્રિયંકા ગાંધીની તબિયત લથડતા હોસ્પિટલમાં દાખલ કરવામાં આવ્યા છે. પ્રિયંકા ગાંધી આજે યુપીમાં પ્રવેશી રહેલી રાહુલ ગાંધીની ભારત જોડો ન્યાય યાત્રામાં ભાગ લેવાના હતા. જોકે, આજે તે યાત્રામાં ભાગ લઈ શકશે નહીં. રાહુલ ગાંધીની આજની યાત્રામાં બિહારથી ઉત્તર પ્રદેશનો સમાવેશ થશે. ઉત્તર પ્રદેશમાં યાત્રાના પ્રવેશને જોતા ચંદૌલીના સયાદરાજા ખાતે પણ શોભાયાત્રા કાઢવામાં આવનાર છે. જેમાં કોંગ્રેસના અનેક મોટા નેતાઓ ભાગ લેશે.
I was really looking forward to receiving the BJNY in UP today but unfortunately, have ended up admitted to hospital. I will be there as soon as I am better! Meanwhile wishing all the yatris, my colleagues in UP who have worked hard towards making arrangements for the yatra and…
— Priyanka Gandhi Vadra (@priyankagandhi) February 16, 2024
પ્રિયંકા ગાંધીએ ટ્વીટ કરીને કહ્યું છે કે, હું ઉત્તર પ્રદેશ પહોંચવાની ભારત જોડો ન્યાય યાત્રાની આતુરતાથી રાહ જોઈ રહી હતી, પરંતુ બીમારીના કારણે આજે જ મને હોસ્પિટલમાં દાખલ કરવી પડી હતી. મને સારું લાગતાં જ હું યાત્રામાં જોડાઈશ. ત્યાં સુધી, હું ચંદૌલી-બનારસ પહોંચનારા તમામ પ્રવાસીઓને, મારા સહકર્મીઓ અને ઉત્તર પ્રદેશના પ્રિય ભાઈઓને શુભેચ્છા પાઠવું છું કે જેઓ પ્રવાસ માટે ખંતપૂર્વક તૈયારી કરી રહ્યાં છે.