આ શહેરની મહાનગર પાલિકાએ કર્યો નવો પ્રયોગઃ એક કલાક શોપિંગ(pay for shopping) કરવાનો ચાર્જ 5 રૂપિયા, ત્યારબાદ 500 રૂપિયા દંડ- વાંચો સંપૂર્ણ વિગત
મુંબઇ, 31 માર્ચઃ નાસિક મહાનગરપાલિકાએ એક નવતર પ્રયોગ શરૂ કર્યો છે. અહીં બજારમાં શોપિંગ કરવા આવનાર વ્યક્તિ વગર કારણે સમય બરબાદ ન કરે તેથી શોપિંગ માટે ચાર્જ(pay for shopping) વસૂલવાનો નિર્ણય લેવામાં આવ્યો છે.નાસિક મહાનગરપાલિકા અને પોલીસે ભેગા મળીને નિર્ણય કર્યો છે કે બજારમાં આવનાર દરેક વ્યક્તિએ પાંચ રૂપિયાની ટિકિટ લેવી પડશે જેની ઉપર સમય લખેલો હશે.
જે વ્યક્તિને એક કલાકથી વધુ સમય શોપિંગ કરતા થશે તેણે 500 રૂપિયા દંડ ભરવો પડશે. આ નિયમ એટલે કરવામાં આવ્યો છે જેથી વગર કારણે ગિરદી કરનાર લોકોથી બજારને છુટકારો મળે. નાસિકમાં શાલીમાર, તિલક રોડ, બાદશાહ કોર્નર, ધુમાલ પોઇન્ટ, મેઇન રોડ, શિવાજી રોડ, મેઇન માર્કેટ કમિટિ અને સિટી સેન્ટર મોલ જેવા શોપિંગ સ્થળ પર મોટી સંખ્યામાં ભીડ થતી હોય છે.
ઉલ્લેખનીય છે કે, સમગ્ર દેશમાં કોરોનાના વધતા કેસને લઇને સોશિયલ ડિસ્ટન્સનું પાલન કરવાનું કહેવામાં આવી રહ્યું છે. તેથી ભીડ ઓછી થાય તથા કોરોના ગાઇડલાઇનનું પાલન થાય તેને ધ્યાનમાં રાખીને આ નિયમ કરવામાં આવ્યો છે. પાલિકાનો આ પ્રયોગ વખાણવાલાયક લાગી રહ્યો છે.
આ પણ વાંચો….