Xiaomi v/s Samsung: ભારતમાં ચીનની કંપની Xiaomiને પછાડીને નંબર-1 બની શકે છે Samsung
Xiaomi v/s Samsung: સેમસંગ મોબાઈલ વોલ્યુમના મામલે ચીનની કંપની પાસેથી આ તાજ છીનવી લેશે.
બિઝનેસ ડેસ્ક, 26 ડિસેમ્બર: Xiaomi v/s Samsung: પોપ્યુલર બ્રાન્ડ સેમસંગ ટૂંક સમયમાં ભારતમાં ચીનની મોબાઈલ કંપની શાઓમીને માત આપી શકે છે. એક રિપોર્ટ અનુસાર, સેમસંગ Xiaomiને પાછળ છોડીને મોબાઈલ વોલ્યુમની બાબતમાં આવતા વર્ષ સુધીમાં દેશની નંબર વન બ્રાન્ડ બની શકે છે. આ માટે ઘણા કારણો પણ આપવામાં આવ્યા છે. અહીં તમને તેના વિશે સંપૂર્ણ વિગતો જણાવવામાં આવી રહી છે.
એક સમય હતો જ્યારે Xiaomiના સ્માર્ટફોન ભારતમાં પોપ્યુલર હતા. પણ, ધીરે ધીરે સમય બદલાતો ગયો. હવે બજાર વિશ્લેષકો માની રહ્યા છે કે ટૂંક સમયમાં સેમસંગ Xiaomi ને પાછળ છોડીને ભારતમાં અગ્રણી સ્માર્ટફોન બ્રાન્ડ બની જશે. સેમસંગ મોબાઈલ વોલ્યુમના મામલે ચીનની કંપની પાસેથી આ તાજ છીનવી લેશે.
ભારત અને ચીન વચ્ચે ચાલી રહેલા વિવાદનો લાભ સેમસંગને પણ મળશે. માર્કેટ એનાલિસ્ટનું માનવું છે કે મેક્રો ઈકોનોમિક ચેલેન્જને કારણે વર્ષ 2023માં એક્સપોર્ટની સંખ્યામાં ઘટાડો થઈ શકે છે. 5G નેટવર્કના વિસ્તરણ સાથે, ઘણા લોકો વધુ મોંઘા સ્માર્ટફોન તરફ જોઈ રહ્યા છે.
લોકોનો પર્ચેસિંગ પાવર વધ્યો
પહેલા લોકો 10 હજાર કે તેનાથી ઓછા રૂપિયામાં ફોન ખરીદતા હતા. હવે આ બજેટ વધીને 18 થી 20 હજાર રૂપિયા થઈ ગયું છે. આ સીરીઝમાં, લોકો Xiaomi કરતાં Samsung અથવા અન્ય કંપનીઓ પર વધુ વિશ્વાસ દર્શાવે છે.
ટેકર્કના એક રિપોર્ટમાં કહેવામાં આવ્યું છે કે વર્ષ 2023ના બીજા ક્વાર્ટરમાં સેમસંગ 23-24 ટકા માર્કેટ શેર કબજે કરી શકે છે. એટલે કે, તે Xiaomi ને પાછળ છોડી દેશે. Xiaomiનો માર્કેટ શેર 19-20 ટકા રહી શકે છે.
રિપોર્ટમાં વધુમાં જણાવવામાં આવ્યું છે કે કંપનીને સેમસંગની ફાઇનાન્સિંગ સ્કીમનો બેનિફિટ પણ મળી રહ્યો છે. મોટાભાગના રિટેલરો તેનો ઉપયોગ કરીને પ્રીમિયમ ડિવાઇસ વેચી રહ્યાં છે. ઘણા સેગમેન્ટમાં EMI પર મોબાઈલ ફોન વેચાઈ રહ્યા છે. આ કારણે સેમસંગના પ્રીમિયમ અને બજેટ બંને ફોન ખૂબ વેચાઈ રહ્યા છે.
આ પણ વાંચો:-New CNG variant car: સીએનજી વેરિઅન્ટમાં આવતાની સાથે જ લોકોએ આ કાર પર વરસાવ્યો પ્રેમ
સેમસંગ ટોપ પર કબજો કરી શકે છે
Xiaomi v/s Samsung: સેમસંગ આનાથી સારો ફાયદો મેળવી શકે છે અને તે Xiaomi ને પાછળ છોડીને ટોચ પર કબજો કરી શકે છે. નિષ્ણાતો માને છે કે બજાર ભાવની સીડીમાં આગળ વધ્યું છે. સરેરાશ વેચાણ કિંમત 20 હજાર સુધી પહોંચી રહી છે.
Xiaomi એન્ટ્રી લેવલ માર્કેટમાં મોટાભાગના ફોન વેચે છે અને તેની મોટાભાગની આવક પણ આમાંથી આવે છે. પરંતુ, પ્રાઇસ સેગમેન્ટમાં વધારો કર્યા પછી, કંપની તેને હેન્ડલ કરવામાં સક્ષમ નથી.