PM Modi interacted with Rishi Sunak: પ્રધાનમંત્રી નરેન્દ્ર મોદીએ ઋષિ સુનક સાથે વાતચીત કરી, વાંચો વિગતે…

PM Modi interacted with Rishi Sunak: બંને નેતાઓએ ઇઝરાયેલ-હમાસ વચ્ચેના સંઘર્ષ અંગે વિચારોનું આદાન-પ્રદાન કર્યું હતું

નવી દિલ્હી, 04 નવેમ્બરઃ PM Modi interacted with Rishi Sunak: પ્રધાનમંત્રી નરેન્દ્ર મોદીએ આજે યુનાઇટેડ કિંગડમના પ્રધાનમંત્રી ઋષિ સુનક સાથે ટેલિફોન પર વાતચીત કરી હતી. આ દરમિયાન, પીએમ મોદીએ સુનકને તેમના કાર્યકાળના એક વર્ષ સફળતાપૂર્વક પૂર્ણ કરવા બદલ અભિનંદન પાઠવ્યા હતા.

નેતાઓએ વેપાર, રોકાણ, ઉભરતી ટેક્નોલોજી, સંરક્ષણ, સુરક્ષા, આરોગ્ય અને અન્ય ક્ષેત્રો સહિત દ્વિપક્ષીય વ્યાપક સ્ટાર્ટેજિક ભાગીદારીને મજબૂત કરવાનું ચાલુ રાખવાની તેમની પ્રતિબદ્ધતાનો પુનરોચ્ચાર કર્યો હતો. તેઓએ પરસ્પર લાભદાયી મુક્ત વેપાર કરારના વહેલા નિષ્કર્ષ માટે થઈ રહેલી પ્રગતિને આવકારી હતી.

બંને નેતાઓએ પશ્ચિમ એશિયા ક્ષેત્રના વિકાસ અને ઇઝરાયેલ અને હમાસ વચ્ચેના સંઘર્ષ અંગે વિચારોનું આદાન-પ્રદાન કર્યું હતું. બંને નેતાઓએ આતંકવાદ, બગડતી સુરક્ષાની સ્થિતિ અને નાગરિકોના જીવના જોખમ પર ઊંડી ચિંતા વ્યક્ત કરી હતી. તેઓ પ્રાદેશિક શાંતિ, સુરક્ષા, સ્થિરતા અને સતત માનવતાવાદી સહાયની જરૂરિયાત પર સંમત થયા હતા.

બંને નેતાઓ સંપર્કમાં રહેવા સંમત થયા હતા અને દીપાવલીના તહેવારોની શુભેચ્છાઓનું આદાનપ્રદાન કર્યું હતું.

આ પણ વાંચો… Indian Navy Helicopter Crashed in Kerala: કેરળમાં ક્રેશ થયું ભારતીય નૌકાદળનું હેલિકોપ્ટર, એક અધિકારીનું મોત

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો