Ram Mandir News: આ મહિનામાં સ્થાપિત થશે ભગવાન રામની પ્રતિમા; વડાપ્રધાન મોદીને મોકલાશે આમંત્રણ
Ram Mandir News: આવતા વર્ષે જાન્યુઆરીના ત્રીજા સપ્તાહમાં મૂર્તિઓને રામજન્મભૂમિમાં સ્થાપિત કરવામાં આવશે
નવી દિલ્હી, 07 ઓગસ્ટઃ Ram Mandir News: રામજન્મભૂમિ તીર્થક્ષેત્ર ટ્રસ્ટે મંદિરમાં રામ લલ્લાની જીવન પૂજા કરવા માટે આવતા વર્ષે 21 થી 23 જાન્યુઆરીની તારીખોનો પ્રસ્તાવ મૂક્યો છે. આ કાર્યક્રમ માટે વડાપ્રધાન નરેન્દ્ર મોદીને ઔપચારિક આમંત્રણ મોકલવામાં આવશે.
જાન્યુઆરીમાં મૂર્તિઓને રામજન્મભૂમિમાં સ્થાપિત કરવામાં આવશે
ટ્રસ્ટના જનરલ સેક્રેટરી ચંપત રાયે જણાવ્યું હતું કે, ’આવતા વર્ષે જાન્યુઆરીના ત્રીજા સપ્તાહમાં મૂર્તિઓને રામજન્મભૂમિમાં સ્થાપિત કરવામાં આવશે. તે માટે 21 થી 23 જાન્યુઆરી દરમિયાન યોજાશે. આ સમારોહમાં વડાપ્રધાનની સાથે દેશભરના અગ્રણી સાધુઓ અને મહાનુભાવોને આમંત્રિત કરવામાં આવશે.
ટ્રસ્ટે સમગ્ર દેશમાં 136 સનાતન પરંપરાઓના 25,000 થી વધુ વડાઓને આમંત્રિત કરવાની યોજના બનાવી છે. આ માટે મંદિર ટ્રસ્ટ વતી સંતોની યાદી તૈયાર કરવામાં આવી રહી છે. ટ્રસ્ટના પ્રમુખ મહંત નૃત્ય ગોપાલ દાસ દ્વારા સહી કરેલું આમંત્રણ બધાને મોકલવામાં આવશે.
એક મહિના સુધી અન્ન દાન કરવાનું આયોજન
ટ્રસ્ટ દ્વારા મંદિરમાં રામલલ્લાના સ્થાપન નિમિત્તે એક મહિના સુધી અન્ન દાન કરવાનું આયોજન કરવામાં આવ્યું છે. રાયે એ પણ માહિતી આપી કે આખા જાન્યુઆરી મહિનામાં લગભગ 75 હજારથી એક લાખ લોકોને દરરોજ ભોજન આપવામાં આવશે.
આ પણ વાંચો… Vitamin E Capsule Benefits: પોષક તત્વોથી ભરપૂર છે વિટામીન ઈ કેપ્સૂલ, થાય છે આ ગજબ ફાયદાઓ…
