Saradar nagar: ચાલુ બાઇક પર યુવકને ગળાના ભાગે છરીનો ઘા મારી આરોપી ફરાર- વાંચો વિગત

Saradar nagar: સરદારનગર પોલીસે આરોપી સામે ગુનો નોંધી વધુ તજવીજ હાથધરી

અમદાવાદ, 20 જુલાઇઃSaradar nagar: અમદાવાદ શહેરના સરદારનગર વિસ્તારમાં ચાકુ વડે હુમલાની ઘટના સામે આવી છે. ચાલુ બાઇક પર એક યુવકને આરોપીએ ગળાના ભાગે છરી મારી ફરાર થઇ ગયો હતો. આ મામલે સરદાર નગર પોલીસે ફરાર આરોપી સામે ગુનો નોંધી તપાસ હાથ ધરી છે. તો બીજી તરફ ઘાયલ યુવક હાલ સિવિલ હોસ્પિટલમાં સારવાર હેઠળ છે. યુવકના ગળાના ભાગે ગંભીર ઇજાઓ પહોંચતા 30થી વધુ ટાંકા લગાવવામાં આવ્યા છે.

વિગત મુજબ, આ ઘટના સરદાનગર પોલીસ સ્ટેશન(Saradar nagar) વિસ્તારના ઘનશ્યામનગરની છે. પીડિત યુવક ઉદયરાજ યાદવ સુભાષ નગરમાં તેના પરિવાર સાથે રહે છે. અને એરપોર્ટ પર કામ કરી પરિવારનું ગુજરાન ચલાવે છે. ગત રોજ ઉદયરાજ યાદવ નોકરીથી પરત આવી રહ્યો હતો તે દરમિયાન તેના ચાકુ વડે હુમલો થયો હતો. ફરિયાદ મુજબ, ભગવતીનગર ખાતે રહેતો જીતુ સોની નામનો યુવક ઉદયરાજને મળ્યો હતો. બન્ને મિત્રો વાતચિત કરી રહ્યા હતા.

આ પણ વાંચોઃ Blast in iraq: ઇરાકમાં બ્લાસ્ટ 30 વ્યક્તિના મોત, 35 ઘાયલ ISISએ સ્વીકારી જવાબદારી

તે સમયે જીતુ સોનીનો અન્ય એક મિત્ર આવ્યો હતો. ત્યારબાદ જીતુ સોનીના કહેવા પર ઉદય રાજ અજાણ્યા યુવકને ઘર છો઼ડવા બાઇક પાછળ બેસાડી રવાના થયો હતો. જો કે રસ્તામાં ઉદયરાજ સાથે કોઇ વાતને લઇ રકઝક થતાં અજાણ્યા યુવકે ચાલુ બાઇક પર છરી વડે જીવલેણ હુમલો કરી દીધો હતો. ગળાના ભાગે છરીનો ઘા મારતા લોહીલુહાણ થઇ ઉદયરાજ નીચે ઢળી પડ્યો હતો. તો બીજી તરફ ઘાતક હુમલો કર્યા બાદ આરોપી અજાણ્યો યુવક ફરાર થઇ ગયો હતો.

ઘટનાબાદ બાદ ઉદયરાજને ગંભીર હાલતમાં સિવિલ હોસ્પિટલ ખાતે સારવાર માટે લઇ જવામાં આવ્યો હતો. છરીનો ગંભીર ઘા ગળાના ભારે વાગતા 30થી વધુ ટાંકા આવ્યા છે. ત્યારે આ મામલે સરદારનગર પોલીસે ફરાર આરોપી સામે ગુનો નોંધી વધુ તજવીજ હાથ ધરી છે